نۇرلىبەك نالىباەۆ سىر ەلىندەگى بارلىق سوعىس ارداگەرىن مەرەكەمەن قۇتتىقتادى

3438
Adyrna.kz Telegram

بۇگىن جەڭىستىڭ 77 جىلدىق مەرەكەسىندە ايماق قىزىلوردا وبلىسىنىڭ اكىمى نۇرلىبەك نالىباەۆ بارلىق مايدانگەرگە ارنايى بارىپ، پرەزيدەنت اتىنان قۇتتىقتاپ، قۇرمەت كورسەتتى. ول قازالى، سىرداريا، شيەلى اۋداندارى مەن قىزىلوردا قالاسىندا تۇراتىن سوعىس ارداگەرلەرىنىڭ شاڭىراعىندا بولىپ، ارنايى سىي-سياپات ۇسىندى، دەپ حابارلايدى “ادىرنا” ۇلتتىق پورتالى. 

بۇگىنگى كۇنى قىزىلوردا وڭىرىندە 7 ۇلى وتان سوعىسىنىڭ ارداگەرى بار. مەرەكەدە تۋلانى ازات ەتۋگە قاتىسقان قاباق سماعۇل، بەلورۋسسيا، پولشا، چەحوسلوۆاكيا، كالينينگراد قالالارىن نەمىس باسقىنشىلارىنان ازات ەتۋگە ۇلەس قوسقان تىلەۋبەرگەن توبابەرگەنوۆ، ستالينگرادتى، كۋرسكىنى، پولشانى جاۋدان قورعاعان ياحيا تاسىروۆ، ستالينگرادتتا شايقاسىندا ەرلىگىمەن كوزگە تۇسكەن سارسەنبەك بايجانوۆتىڭ ەڭبەگى دارىپتەلدى.


سونداي-اق، ۋكراينانى ازات ەتۋدە جانقيارلىق ەرلىك كورسەتكەن تولەگەن ءجۇنىسوۆ، كۋرسك شايقاسىندا تاباندىلىق تانىتقان ءابدىراحمان بايتىكوۆ پەن بەلورۋس فرونتىنىڭ دالا گوسپيتالىندە مەدبيكە قىزمەتىن اتقارىپ, باتىلدىق كورسەتكەن ليۋبوۆ كولەسنيكءتىڭ ەرلىك جولى ايتىلىپ، ولارعا ءىلتيپات كورسەتىلدى.

نۇرلىبەك نالىباەۆ مايدانگەرلەر قاشاندا قۇرمەتكە لايىق ەكەنىن جانە ولاردى قولداۋ شارالارى ءبىر كۇنمەن شەكتەلىپ قالمايتىنىن، ەرلىگى ءاردايىم دارىپتەلەتىنىن جەتكىزدى.

باتىر اكەلەرىمىز بەن انالارىمىزعا ءتيىستى دەڭگەيدە قۇرمەت كورسەتۋ - بءىزدىڭ پەرزەنتتىك پارىزىمىز. سىزدەر وتانىمىزعا جەڭىستىڭ جالاۋىن جەلبىرەتىپ، بەيبىت زاماندى كەلەر ۇرپاققا امانات ەتتىڭىزدەر. ەل باسىنا كۇن تۋعان سۇراپىل سوعىس جىلدارى ادام توزگىسىز قيىنشىلىقتاردى قايىسپاي كوتەرىپ، ەلدىڭ قورعانى بولعاندارىڭىز ءۇشىن سىزدەرگە باس يەمىز”, - دەءدى نۇرلىبەك نالىباەۆ.

مايدانگەرلەر ەلگە تىنىشتىق تىلەپ، اق باتاسىن بەردى.

“قيىندىقتىڭ ءبارى ارتتا قالدى. ەندى سوعىس بولماسىن.سىرتتىڭ سۇق كوزدەرىنەن ساقتاپ، ەلدە تەك اۋىزبىرشىلىك ورناسىن. ەل قامىن ويلار ازاماتتار امان بولىپ، ءار شاڭىراقتا بەرەكە ۇيا سالسىن”، - دەدى عاسىر جاساعان ارداگەر ياحيا تاسىروۆ.

ايتا كەتەيىك، بۇل كۇنى تاعزىم الاڭىندا جەڭىستىڭ 77 جىلدىعىن مەرەكەلەۋگە ارنالعان سالتاناتتى ءىس-شارا ءوتتى. وڭىردە سوعىس ارداگەرلەرىنىڭ ەرلىكتەرىن دارىپتەۋگە ارنالعان ءتۇءرلى دەڭگەيدەگى جوبالار جاسالىپ، دۋماندى كونتسەرت قويىلدى.

”ادىرنا” ۇلتتىق پورتالى 

 

پىكىرلەر