رەسەي پرەمەر-ءمينيسترى ميحايل ميشۋستين 25–27 ناۋرىز ارالىعىندا قازاقستانعا جۇمىس ساپارىمەن كەلەدى. بۇل تۋرالى رف ۇكىمەتىنىڭ ءباسپاسوز قىزمەتى ايتتى، حابارلايدى «ادىرنا» ءتىلشىسى.
استانادا وتەتىن قازاقستان–رەسەي ۇكىمەتارالىق كەلىسسوزدەرى اياسىندا ەنەرگەتيكا، ونەركاسىپ، اۋىل شارۋاشىلىعى، كولىك ينفراقۇرىلىمى جانە باسقا دا سالالارداعى بىرلەسكەن جوبالاردى ودان ءارى دامىتۋعا ەرەكشە نازار اۋدارىلماق.
سونداي-اق ميحايل ميشۋستين 26–27 ناۋرىز كۇندەرى شىمكەنت قالاسىندا وتەتىن ەۋرازيالىق ۇكىمەتارالىق كەڭەستىڭ وتىرىسىنا قاتىسادى. ساپار بارىسىندا پرەمەر Digital Qazaqstan 2026 تسيفرلىق فورۋمىندا ءسوز سويلەيدى.
ەسكە سالايىق، وتكەن جىلدىڭ قاڭتار ايىندا ميحايل ميشۋستين اقوردا رەزيدەنتسياسىندا پرەزيدەنت قاسىم-جومارت توقاەۆپەن كەزدەسكەن ەدى.
ۇقساس جاڭالىقتار
