ءال-فارابي داڭعىلىندا بولعان جول-كولىك وقيعاسى جايلى ۆيدەو جاريالاعان بلوگەر ادىلەتحان مولداحان تاعى ەكى اي اباقتىدا وتىراتىن بولدى. بۇعان دەيىن ول 10 كۇنگە قاماۋعا الىنعان بولاتىن، دەپ حابارلايدى «ادىرنا» ءتىلشىسى.
الماتى قالالىق پد مالىمەتىنشە، كورىنەۋ جالعان اقپارات تاراتۋ دەرەگى بويىنشا سوتقا دەيىنگى تەرگەۋ امالدارىن جۇرگىزىلىپ جاتىر.
«الدىن الا تەرگەۋ شەڭبەرىندە سوت قاماۋعا الۋ تۇرىندەگى بۇلتارتپاۋ شاراسىن ەكى اي مەرزىمگە سانكتسيالادى. بارلىق ءمان-جايدى جان-جاقتى، تولىق جانە وبەكتيۆتى انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە»،– دەلىنگەن حابارلامادا.
بۇعان دەيىن بلوگەر الماتىداعى جول اپاتىنا قۇقىق قورعاۋ ورگانى قىزمەتكەرى قاتىسقان بولۋى مۇمكىن دەپ مالىمدەگەن ەدى. 30 ناۋرىزدا ول "كورىنەۋ جالعان اقپارات تاراتتى" دەگەن كۇدىكپەن ۇستالىپ، ون كۇنگە قامالعان ەدى.
