كوكشەتاۋ قالاسىنىڭ پوليتسياسى كۆادروكوپتەرلەر ارقىلى جول ەرەجەسىن بۇزعان جۇرگىزۋشىلەردى تىركەپ جاتىر. بۇل جونىندە 3 ساۋىردە اقپارات تاراعان، دە حابارلايدى "ادىرنا" ۇلتتىق پورتالى.
بيىل 12 ناۋرىزدان باستاپ كامەرالار رولدە وتىرىپ تەلەفون پايدالانعان نەمەسە قاۋىپسىزدىك بەلدىگىن تاقپاعان جۇرگىزۋشىلەردى تىركەۋگە كىرىستى. الەۋمەتتىك جەلىدە تاراعان ۆيدەودان ءتارتىپ ساقشىلارىنىڭ قالانى اۋەدەن باقىلاپ وتىرعانىن كورۋگە بولادى.
بەينەجازبادان جۇرگىزۋشىلەردىڭ قولىنداعى تەلەفون انىق كورىنەدى. دروندار قاۋىپسىزدىك بەلدىگىن تاقپاعانداردى، تەلەفون پايدالانعانداردى، جاياۋ جۇرگىنشىگە جول بەرمەگەندەردى، جولدى وتكەلدەن باسقا جەردە كەسىپ وتكەندەردى جانە باعدارشام سيگنالىن ەلەمەگەندەردى بايقايدى.
دروندار وزدەرى ايىپپۇل سالا المايدى. تەحنيكا تىركەگەن اقپارات پاترۋلگە جىبەرىلەدى، ال پوليتسەيلەر جۇرگىزۋشىنى توقتاتىپ، ەرەجە بۇزىلعانىن كورسەتىپ، حاتتاما تولتىرادى.
جەرگىلىكتى پوليتسيا دەپارتامەنتىنىڭ مالىمەتىنشە، نەگىزگى ماقسات – ايىپپۇل سانىن كوبەيتۋ ەمەس، جول قوزعالىسى قاۋىپسىزدىگىن ارتتىرۋ جانە جۇرگىزۋشىلەرگە ەسكەرتۋ جاساۋ.
