Kökşetau qalasynyŋ polisiiasy kvadrokopterler arqyly jol erejesın būzǧan jürgızuşılerdı tırkep jatyr. Būl jönınde 3 säuırde aqparat taraǧan, de habarlaidy "Adyrna" ūlttyq portaly.
Biyl 12 nauryzdan bastap kameralar rölde otyryp telefon paidalanǧan nemese qauıpsızdık beldıgın taqpaǧan jürgızuşılerdı tırkeuge kırıstı. Äleumettık jelıde taraǧan videodan tärtıp saqşylarynyŋ qalany äueden baqylap otyrǧanyn köruge bolady.
Beinejazbadan jürgızuşılerdıŋ qolyndaǧy telefon anyq körınedı. Drondar qauıpsızdık beldıgın taqpaǧandardy, telefon paidalanǧandardy, jaiau jürgınşıge jol bermegenderdı, joldy ötkelden basqa jerde kesıp ötkenderdı jäne baǧdarşam signalyn elemegenderdı baiqaidy.
Drondar özderı aiyppūl sala almaidy. Tehnika tırkegen aqparat patrulge jıberıledı, al poliseiler jürgızuşını toqtatyp, ereje būzylǧanyn körsetıp, hattama toltyrady.
Jergılıktı polisiia departamentınıŋ mälımetınşe, negızgı maqsat – aiyppūl sanyn köbeitu emes, jol qozǧalysy qauıpsızdıgın arttyru jäne jürgızuşılerge eskertu jasau.
