قاتار بيلىگى يران تاراپىنان جاسالعان شابۋىلداردى زاڭسىز دەپ باعالاپ، ولاردىڭ حالىقارالىق جاۋاپكەرشىلىككە اكەلەتىنىن مالىمدەدى، دەپ حابارلايدى "ادىرنا" ۇلتتىق پورتالى.
قاتار سىرتقى ىستەر مينيسترلىگى انتونيۋ گۋتەرريشكە، بۇۇ قاۋىپسىزدىك كەڭەسى توراعاسى، باحرەيننىڭ تۇراقتى وكىلى جامال فارەس ار-روۆايەگە رەسمي حات جولداعان.
قۇجاتتا يران شابۋىلدارىنىڭ ازاماتتىق نىساندارعا باعىتتالعانى اتاپ وتىلگەن. مۇنداي ارەكەتتەر جەنەۆا كونۆەنتسيالارى مەن حالىقارالىق گۋمانيتارلىق قۇقىق نورمالارىن ورەسكەل بۇزۋ رەتىندە باعالانعان.
قاتار ءسىم مالىمدەمەسىندە يراننىڭ ارەكەتتەرى كەلتىرىلگەن بارلىق شىعىندى وتەۋگە مىندەتتەيتىنى ايتىلعان. سونىمەن قاتار، كەلگەن زالالدى ارنايى ورگاندار باعالايتىنى حابارلاندى.
ۆەدومستۆو بۇۇ مەن قاۋىپسىزدىك كەڭەسىن جاعدايدىڭ ءارى قاراي دامۋى تۋرالى حاباردار ەتۋدى جالعاستىراتىنىن مالىمدەدى.
