11 ساۋىردە قىتايدىڭ ماكاو قالاسىنداعى Venetian Macao Arena الاڭىندا «2026 Weibo Gala 微博文化交流之夜» اتتى سالتاناتتى كەشتىڭ اشىلۋىندا الەمدىك دەڭگەيدەگى جۇلدىزدار باس قوستى. قازاقستاننىڭ حالىق ءارتىسى ديماش قۇدايبەرگەن كەشتىڭ مۋزىكالىق باعدارلاماسىنا قاتىستى، دەپ حابارلايدى «ادىرنا» ءتىلشىسى dimashnews-كە سىلتەمە جاساپ.
«فەستيۆالدىڭ قىزىل كىلەمىندە كوپشىلىكتىڭ ىستىق ىقىلاسىنا بولەنگەن ديماش قۇدايبەرگەن ماكاونىڭ «مايماي» تۇمارىمەن بىرگە مادەنيەت پەن تۋريزم اراسىنداعى بايلانىستى بەينەلەيتىن كوركەم كورىنىس قالىپتاستىردى. قىتايلىق تىڭدارماندارعا دەگەن ساعىنىشىن جەتكىزگەن قازاقستاندىق ءارتىس كەش قوناقتارىن ىلتيپاتپەن قارسى الىپ، ماكاونىڭ سوزبەن جەتكىزە المايتىن ەرەكشە سۇلۋلىعىن اتاپ ءوتتى»،–دەلىنگەن حابارلامادا.
فەستيۆالدىڭ قورىتىندى بولىمىندە ونەر كورسەتكەن ديماش ءوزىنىڭ اۆتورلىق «Fire» كومپوزيتسياسىن اعىلشىن تىلىندە ورىنداپ قانا قويماي، قازاق تىلىندە رەپ بولىگىن ورىنداپ كەشتىڭ ساحناسىن جارقىراتا ءتۇستى.
ماكاودا ديماش پروديۋسەر رەتىندە العاشقى ماراپاتىنا يە بولدى. وعان Weibo Macau China تاراپىنان «حالىقارالىق مادەني الماسۋعا قوسقان جىلدىق ۇلەسى ءۇشىن» سىيلىعى تابىستالدى.
