الماتىدا ءال-فارابي داڭعىلى بويىندا ءبىر توپ جۇرگىزۋشى قاۋىپتى جارىس ۇيىمداستىرىپ، جول قوزعالىسى ەرەجەلەرىن ورەسكەل بۇزعان، دەپ حابارلايدى "ادىرنا" ۇلتتىق پورتالى.
وقيعا الەۋمەتتىك جەلىدە تاراعان بەينەجازبا ارقىلى بەلگىلى بولدى.
الماتى قالالىق پد مالىمەتىنشە، مونيتورينگ بارىسىندا جۇرگىزۋشىلەردىڭ قارسى باعىتقا شىعىپ، قاۋىپتى مانەۆرلەر جاساۋى اپاتتى جاعداي تۋعىزعانى انىقتالعان. سونىمەن قاتار ولار جول قاۋىپسىزدىگى تالاپتارىن ەلەمەگەن.
جۇرگىزىلگەن جەدەل شارالار ناتيجەسىندە ءتارتىپ بۇزعان بارلىق قاتىسۋشىلار انىقتالىپ، ۇستالدى.
پد ايتۋىنشا، قۇقىق بۇزۋشىلارعا قاتىستى اكىمشىلىك حاتتامالار تولتىرىلىپ، ولار قاۋىپتى مانەۆر جاساۋ، قارسى جولاققا شىعۋ، اپاتتى جاعداي تۋعىزۋ، كولىك جۇرگىزۋ كەزىندە ۇيالى تەلەفون پايدالانۋ جانە قاۋىپسىزدىك بەلدىگىن تاقپاۋ باپتارى بويىنشا جاۋاپكەرشىلىككە تارتىلعان.
