Almatyda Äl-Farabi daŋǧyly boiynda bır top jürgızuşı qauıptı jarys ūiymdastyryp, jol qozǧalysy erejelerın öreskel būzǧan, dep habarlaidy "Adyrna" ūlttyq portaly.
Oqiǧa äleumettık jelıde taraǧan beinejazba arqyly belgılı boldy.
Almaty qalalyq PD mälımetınşe, monitoring barysynda jürgızuşılerdıŋ qarsy baǧytqa şyǧyp, qauıptı manevrler jasauy apatty jaǧdai tuǧyzǧany anyqtalǧan. Sonymen qatar olar jol qauıpsızdıgı talaptaryn elemegen.
Jürgızılgen jedel şaralar nätijesınde tärtıp būzǧan barlyq qatysuşylar anyqtalyp, ūstaldy.
PD aituynşa, qūqyq būzuşylarǧa qatysty äkımşılık hattamalar toltyrylyp, olar qauıptı manevr jasau, qarsy jolaqqa şyǧu, apatty jaǧdai tuǧyzu, kölık jürgızu kezınde ūialy telefon paidalanu jäne qauıpsızdık beldıgın taqpau baptary boiynşa jauapkerşılıkke tartylǧan.
