21 ءساۋىر كۇنى استانادا 13-قاباتتان التى جاستاعى بالا قۇلاپ كەتتى. بۇل تۋرالى قالالىق پد جازدى، دەپ حابارلايدى «ادىرنا» ءتىلشىسى.
قايعىلى وقيعا تىلەنديەۆ كوشەسىندە ورنالاسقان تۇرعىن ءۇي كەشەندەرىنىڭ بىرىندە بولعان.
«وقيعا كەزىندە وتباسىنىڭ ەرەسەك مۇشەلەرى اس ۇيدە بولعان، ال بالا بولمەدە قاراۋسىز قالعان. ول بالكون تەرەزەسىنەن قۇلاپ، كوز جۇمدى»، — دەپ ءتۇسىندىردى پوليتسيا.
استانا پد دەرەگىنشە، جىل باسىنان بەرى ەلوردادا بالالاردىڭ تەرەزەدەن قۇلاۋىنىڭ 7 دەرەگى تىركەلگەن، ونىڭ ەكەۋى ولىممەن اياقتالعان. كوپ جاعدايدا قايعىلى وقيعالار ەرەسەكتەردىڭ بالالار قاۋىپسىزدىگىنە نەمقۇرايدى قاراۋىنان بولادى.
پوليتسەيلەر اتا-انالاردى بالالاردى ۇزاق ۋاقىت قاراۋسىز قالدىرماۋعا جانە قاۋىپسىزدىك ەرەجەلەرىن ساقتاۋعا شاقىردى.
ۇقساس جاڭالىقتار
