قالاداعى «اقكەنت» شاعىناۋدانىندا پودەزدە قىزعا شابۋىل جاساعان ەر ادام ۇستالدى، دەپ حابارلايدى "ادىرنا" ۇلتتىق پورتالى.
بۇل تۋرالى الماتى قالالىق پوليتسيا دەپارتامەنتى مالىمدەدى. وقيعا بەينەباقىلاۋ كامەرالارىنا ءتۇسىپ قالعان.
ۆيدەودا ەر ادامنىڭ ليفت كۇتىپ تۇرعان ساتتە اگرەسسيۆتى مىنەز-قۇلىق تانىتىپ، پودەزد ىشىندەگى قابىرعالاردى ۇرعانى كورىنەدى. كەيىن ول جانىندا تۇرعان قىزعا شابۋىل جاساپ، شاشىنان تارتىپ، ليفت ىشىندە كۇش قولدانعان. قۇقىق قورعاۋ ورگاندارىنىڭ مالىمەتىنشە، كۇدىكتى – 26 جاستاعى ەر ادام. ول وقيعا ورنىندا انىقتالىپ، ۇستالدى.
"قوعامدىق ورىندا اگرەسسيۆتى مىنەز-قۇلىق تانىتۋ جانە دەنساۋلىققا زيان كەلتىرۋ فاكتىسى بويىنشا قىلمىستىق ءىس قوزعالدى. كۇدىكتىنىڭ ارەكەتىنە قۇقىقتىق باعا بەرىلەدى", – دەپ حابارلادى الماتى قالالىق پد.
ۇقساس جاڭالىقتار
