الماتىداعى تانىمال تاۋ-شاڭعى كۋرورتى Shymbulak 1 مامىردان باستاپ جازعى ماۋسىمىن رەسمي تۇردە باستايدى.
بۇل تۋرالى كۋرورت وكىلدەرى حابارلادى.
اسپالى جولدار تەحنيكالىق تەكسەرىستەن كەيىن قايتا ىسكە قوسىلىپ، كەلۋشىلەرگە تاۋ كورىنىسىن تاماشالاۋ مۇمكىندىگى بەرىلەدى. جازعى ماۋسىمدا كۋرورتتا تەك سەرۋەن ەمەس، بەلسەندى دەمالىس تۇرلەرى دە ۇسىنىلادى. اتاپ ايتقاندا، اتپەن سەرۋەندەۋ، Alpine Park اۋماعىنداعى ويىن-ساۋىقتار جانە ساداق اتۋ سياقتى قىزمەتتەر قولجەتىمدى بولادى.
كۋرورت وكىلدەرىنىڭ ايتۋىنشا، Shymbulak جىل بويى جۇمىس ىستەيتىن تۋريستىك ورتالىق رەتىندە دامىپ كەلەدى. ساراپشىلاردىڭ دەرەگىنشە، الماتىعا كەلەتىن شەتەلدىك تۋريستەردىڭ باسىم بولىگى تابيعات اياسىنداعى دەمالىس پەن بەلسەندى تۋريزمگە قىزىعۋشىلىق تانىتادى.
جىل سايىن جاز مەزگىلىندە Shymbulak-قا شامامەن 1 ميلليونعا جۋىق ادام بارادى. زەرتتەۋلەرگە سايكەس، قالاداعى تۋريستەر ەڭ كوپ باراتىن نىسانداردىڭ ءبىرى دە ءدال وسى تاۋ كۋرورتى بولىپ وتىر.
