اقش-تىڭ بۇرىنعى پرەزيدەنتى وباما يزرايل پرەمەر-ءمينيسترى نەتانياحۋ ءوزىن يرانعا قارسى سوعىسقا يتەرمەلەگەنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى ول The New Yorker باسىلىمىنا بەرگەن سۇحباتىندا ايتقان.
باق تاراتقان اقپاراتتا، نەتانياحۋ وباماعا ايتىلعان ۋاجدەردى اقش-تىڭ قازىرگى پرەزيدەنتى دونالد ترامپ الدىندا دا قولدانعان. ەكس-پرەزيدەنت يزرايل باسشىسىمەن اراداعى كەلىسپەۋشىلىكتەر بۇرىننان بار ەكەنىن اتاپ ءوتتى.
سۇحبات بارىسىندا وباما ترامپتىڭ يرانعا قارسى سوعىس باستاۋ تۋرالى شەشىمىنە دە كۇمان كەلتىردى. ونىڭ ايتۋىنشا، بۇل قادام يزرايل ءۇشىن دە، اقش ءۇشىن دە ۇزاق مەرزىمدى پايدا اكەلمەۋى مۇمكىن.
«مەنىڭ سول كەزدەگى باعام دۇرىس بولدى دەپ ويلايمىن. ال قازىر نەتانياحۋ ماقساتىنا جەتكەن بولۋى مۇمكىن، بىراق بۇل يزرايل حالقىنا پايدالى بولدى ما — كۇمانىم بار. اقش ءۇشىن دە ءتيىمدى بولدى دەپ ايتا المايمىن»، — دەدى ول.
وباما سونداي-اق نەتانياحۋمەن اراداعى ساياسي قايشىلىقتار بۇعان دەيىن دە كەڭىنەن قۇجاتتالعانىن جەتكىزدى.
