قازاق تەاتر جانە كينو ونەرىنىڭ نەگىزىن قالاۋشىلاردىڭ ءبىرى، العاشقى رەجيسسەر سەرالى قوجامقۇلوۆتىڭ 130 جىلدىعى تويلاندى، دەپ حابارلايدى "ادىرنا" ۇلتتىق پورتالى.
قازاق تەاتر جانە كينو اكتەرى، قازاق كسر حالىق ءارتىسى، سوتسياليستىك ەڭبەك ەرى سەرالى (سەركە) قوجامقۇلوۆ - العاشقى قازاق كاسىبي اكتەرلەرىنىڭ ءبىرى 2021 جىلدىڭ مامىر ايىندا 125 جاسقا تولادى، 1896 جىلى 5 مامىردا قوستاناي وبلىسى قارابالىق اۋدانى پوبەدا اۋىلىنىڭ № 13 اۋىلىندا دۇنيەگە كەلگەن ەدى. سەركە اعا كوپتەگەن ماراپاتتارعا يە بولدى.
ءوز كاسىبىنىڭ سۋرەتشىسى، ۇلى اكتەر سەرالى قوجامقۇلوۆتىڭ جولى اياقتالدى. ول 1979 جىلى 31 جەلتوقساندا قايتىس بولىپ، الماتى قالاسىندا جەرلەندى.
مەرەيتوي قارساڭىندا الماتىدا «عاسىرلار ءۇنىن ساقتاعان بەينە» اتتى مادەني ءىس-شارا ءوتتى.
ءىس-شارا ورتالىق مەملەكەتتىك كينو-فوتوقۇجاتتار مەن دىبىس جازبالارى ءارحيۆى بازاسىندا ۇيىمداستىرىلدى. مۇندا سوتسياليستىك ەڭبەك ەرى، قازاق كسر-ءىنىڭ حالىق ءارتىسى سەرالى قوجامقۇلوۆتىڭ ءومىرى مەن شىعارماشىلىق جولىن، سونداي-اق قازاق كاسىبي تەاترىنىڭ قالىپتاسۋ كەزەڭدەرىن قامتيتىن فوتوكورمە ۇسىنىلدى.
سونىمەن قاتار 1972 جىلى «قازاقتەلەفيلم» ستۋدياسى تۇسىرگەن «سەراعا» دەرەكتى ءفيلمى كورسەتىلدى. شاراعا مادەنيەت جانە ونەر سالاسىنىڭ وكىلدەرى، تەاتر جانە كينو قايراتكەرلەرى، جوعارى وقۋ ورىندارىنىڭ پروفەسسور-وقىتۋشىلارى مەن قوجامقۇلوۆتىڭ ۇرپاقتارى قاتىستى.
ارحيۆ ديرەكتورى ءىلياس ىسقاقوۆ كورمە اياسىندا قوردا ساقتالعان بىرەگەي فوتوسۋرەتتەر مەن قۇجاتتار جۇرتشىلىققا ۇسىنىلعانىن اتاپ ءوتتى.
ال م. اۋەزوۆ اتىنداعى قازاق ۇلتتىق دراما تەاترى ديرەكتورى ەركىن جۋاسبەك قازاق تەاترىنىڭ دامۋ تاريحىندا سەرالى قوجامقۇلوۆتىڭ ورنى ەرەكشە ەكەنىن ايتتى.
