Qazaq teatr jäne kino önerınıŋ negızın qalauşylardyŋ bırı, alǧaşqy rejisser Serälı Qojamqūlovtyŋ 130 jyldyǧy toilandy, dep habarlaidy "Adyrna" ūlttyq portaly.
Qazaq teatr jäne kino akterı, Qazaq KSR Halyq ärtısı, Sosialistık Eŋbek Erı Seraly (Serke) Qojamqūlov - alǧaşqy qazaq käsıbi akterlerınıŋ bırı 2021 jyldyŋ mamyr aiynda 125 jasqa tolady, 1896 jyly 5 mamyrda Qostanai oblysy Qarabalyq audany Pobeda auylynyŋ № 13 auylynda düniege kelgen edı. Serke aǧa köptegen marapattarǧa ie boldy.
Öz käsıbınıŋ suretşısı, ūly akter Serälı Qojamqūlovtyŋ joly aiaqtaldy. Ol 1979 jyly 31 jeltoqsanda qaitys bolyp, Almaty qalasynda jerlendı.
Mereitoi qarsaŋynda Almatyda «Ǧasyrlar ünın saqtaǧan beine» atty mädeni ıs-şara öttı.
Is-şara Ortalyq memlekettık kino-fotoqūjattar men dybys jazbalary arhivı bazasynda ūiymdastyryldy. Mūnda Sosialistık Eŋbek Erı, Qazaq KSR-ınıŋ halyq ärtısı Serälı Qojamqūlovtyŋ ömırı men şyǧarmaşylyq jolyn, sondai-aq qazaq käsıbi teatrynyŋ qalyptasu kezeŋderın qamtityn fotokörme ūsynyldy.
Sonymen qatar 1972 jyly «Qazaqtelefilm» studiiasy tüsırgen «Seraǧa» derektı filmı körsetıldı. Şaraǧa mädeniet jäne öner salasynyŋ ökılderı, teatr jäne kino qairatkerlerı, joǧary oqu oryndarynyŋ professor-oqytuşylary men Qojamqūlovtyŋ ūrpaqtary qatysty.
Arhiv direktory Iliias Ysqaqov körme aiasynda qorda saqtalǧan bıregei fotosuretter men qūjattar jūrtşylyqqa ūsynylǧanyn atap öttı.
Al M. Äuezov atyndaǧy Qazaq ūlttyq drama teatry direktory Erkın Juasbek qazaq teatrynyŋ damu tarihynda Serälı Qojamqūlovtyŋ orny erekşe ekenın aitty.
