وبلىسىمىزدا ۇلتتىق رۋحتى دارىپتەگەن “تۇلپار ءمىنىپ-تۋ العان!” بايقاۋى ءوتتى. جاس جىرشىلار “الپامىس باتىر” جىرىن جاتقا ايتىپ، ءسوز ونەرى مەن زەردە سىنعا تۇسكەن اۋقىمدى جوبادا باق سىنادى.
قوستاناي وبلىستىق «تۇلپار ءمىنىپ، تۋ العان!» بايقاۋىندا توپ جارعان جاس جىرشىعا قينەۋ تاراپىنان شەتەلدىك جازعى مەكتەپتە ءبىلىم الۋعا ارنايى جولداما تابىستالدى.
ال دارىندى شاكىرتتى ۇلكەن دوداعا دايىنداعان جەتەكشىگە حالىقارالىق «قازاق ءتىلى» قوعامى سۋ جاڭا اۆتوكولىك سىيعا تارتتى.
ۇلتتىق رۋحتى ۇلىقتاعان بايقاۋ – جاس ۇرپاقتىڭ جىر مەن مۇراعا دەگەن قۇرمەتىن ايشىقتاپ، ۇستاز ەڭبەگىنىڭ مارتەبەسىن تاعى ءبىر مارتە بيىكتەتتى.
«تۇلپار ءمىنىپ، تۋ العان!» بايقاۋى – جاس ۇرپاقتىڭ بويىنا ۇلتتىق قۇندىلىقتاردى ءسىڭىرىپ، رۋحاني مۇرانى جاڭعىرتقان تاعىلىمى تەرەڭ جوبا ەكەنىن تاعى ءبىر مارتە دالەلدەدى. جىردى جۇرەكپەن ۇعىپ، ءسوزدىڭ سالماعىن سەزىنگەن جاس تالاپكەرلەر ەل ءۇمىتىن اقتار رۋحتى بۋىننىڭ قالىپتاسىپ كەلە جاتقانىن كورسەتتى.
وبلىس كولەمىندە ۇيىمداستىرىلعان بايقاۋعا 9094 وقۋشىنىڭ قاتىسۋعا نيەت ءبىلدىرۋى – جاس ۇرپاقتىڭ ۇلتتىق مۇراعا دەگەن قىزىعۋشىلىعىنىڭ ايقىن كورىنىسى. ىرىكتەۋ كەزەڭدەرىنەن سۇرىنبەي وزا شاپقان 44 جاس جىرشى وبلىستىق كەزەڭدە باق سىناپ، جىر مەن زەردەنىڭ بيىك ۇلگىسىن كورسەتتى. بۇل – ۇلتتىق رۋح پەن ءسوز ونەرىنىڭ جاس بۋىن ساناسىندا جاڭعىرىپ كەلە جاتقانىنىڭ دالەلى.
باس جۇلدەنى رۋحاني مۇراعا دەگەن ايرىقشا قۇرمەتى مەن ساحناداعى شەبەر ورىنداۋى ارقىلى كوپشىلىكتىڭ ىقىلاسىنا بولەنگەن — جۇرسىنباەۆا ۇلدانا (رۋدنىي ق.).
جەتەكشىسى — سماگۋلوۆا گۇلجازيرا گينياتقىزى تەمىر تۇلپار تىزگىندەدى.
قوستاناي وبلىسى اكىمدىگىنىڭ ۇيىمداستىرۋىمەن “امانات” پارتياسىنىڭ، حالىقارالىق “قازاق ءتىلى” قوعامىنىڭ جانە مىرجاقىپ دۋلاتۇلى اتىنداعى قينەۋ قولداۋىمەن “تۇلپار ءمىنىپ، تۋ العان” جوباسى قوستانايدا جۇزەگە استى
