Oblysymyzda Ūlttyq ruhty därıptegen “Tūlpar mınıp-tu alǧan!” baiqauy öttı. Jas jyrşylar “Alpamys batyr” jyryn jatqa aityp, söz önerı men zerde synǧa tüsken auqymdy jobada baq synady.
Qostanai oblystyq «Tūlpar mınıp, tu alǧan!» baiqauynda top jarǧan jas jyrşyǧa QİnEU tarapynan şeteldık jazǧy mektepte bılım aluǧa arnaiy joldama tabystaldy.
Al daryndy şäkırttı ülken dodaǧa daiyndaǧan jetekşıge Halyqaralyq «Qazaq tılı» qoǧamy su jaŋa avtokölık syiǧa tartty.
Ūlttyq ruhty ūlyqtaǧan baiqau – jas ūrpaqtyŋ jyr men mūraǧa degen qūrmetın aişyqtap, ūstaz eŋbegınıŋ märtebesın taǧy bır märte biıktettı.
«Tūlpar mınıp, tu alǧan!» baiqauy – jas ūrpaqtyŋ boiyna ūlttyq qūndylyqtardy sıŋırıp, ruhani mūrany jaŋǧyrtqan taǧylymy tereŋ joba ekenın taǧy bır märte däleldedı. Jyrdy jürekpen ūǧyp, sözdıŋ salmaǧyn sezıngen jas talapkerler el ümıtın aqtar ruhty buynnyŋ qalyptasyp kele jatqanyn körsettı.
Oblys kölemınde ūiymdastyrylǧan baiqauǧa 9094 oquşynyŋ qatysuǧa niet bıldıruı – jas ūrpaqtyŋ ūlttyq mūraǧa degen qyzyǧuşylyǧynyŋ aiqyn körınısı. Irıkteu kezeŋderınen sürınbei oza şapqan 44 jas jyrşy oblystyq kezeŋde baq synap, jyr men zerdenıŋ biık ülgısın körsettı. Būl – ūlttyq ruh pen söz önerınıŋ jas buyn sanasynda jaŋǧyryp kele jatqanynyŋ dälelı.
Bas jüldenı ruhani mūraǧa degen airyqşa qūrmetı men sahnadaǧy şeber oryndauy arqyly köpşılıktıŋ yqylasyna bölengen — Jürsınbaeva Ūldana (Rudnyi q.).
Jetekşısı — Smagulova Güljazira Giniatqyzy temır tūlpar tızgındedı.
Qostanai oblysy äkımdıgınıŋ ūiymdastyruymen “Amanat” partiiasynyŋ, Halyqaralyq “Qazaq tılı” qoǧamynyŋ jäne Mırjaqyp Dulatūly atyndaǧy QİnEU qoldauymen “Tūlpar mınıp, tu alǧan” jobasy Qostanaida jüzege asty
