Qazaqtyń qabyrǵaly qalamgeri, kórnekti memleket jáne qoǵam qaıratkeri, jazýshy-dramatýrg, Qazaqstan Respýblıkasynyń Eńbek sińirgen qaıratkeri Rahymjan Qasymǵalıuly Otarbaevtyń ortamyzdan ketkenine de úsh jyldan asty. Qalyń oqyrmany, artynan ergen rýhanı ini-qaryndastary súıikti jazýshysyn saǵyna izdeıdi. Marqum tiri bolǵanda bıyl alpys bes jyldyǵyn toılap, ortamyzda júrer edi. Osy ataýly jasqa oraı Otarbaev shyǵarmashylyǵyna arnalǵan ádebı syn baıqaýy ótedi.
Tómende: «Rahymjan Otarbaev dramatýrgııasy: zertteý men zerdeleý»respýblıkalyq baıqaýynyń EREJESI
- JALPY EREJELER
1.1 «Rahymjan Otarbaev dramatýrgııasy: zertteý men zerdeleý» atty respýblıkalyq baıqaý (budan ári – Baıqaý) qazaqtyń klassık jazýshysy, daryndy dramatýrg, ult janashyry Rahymjan Otarbaevtyń 65 jyldyq mereıtoıyna oraı ótedi.
1.2 Baıqaý «Rahymjan Otarbaev shyǵarmashylyǵy. Ádebı syn» dástúrli respýblıkalyq baıqaý aıasynda uıymdastyrylady.
1.3 Baıqaý Rahymjan Otarbaevtyń dramalyq shyǵarmalaryn ádebı syn turǵysynan zerttegen jumystarǵa baǵyttalǵan.
Baıqaýdyń maqsaty:
- Syn janrynda, sonyń ishinde kenjelep qalǵan dramatýrgııalyq shyǵarmalardy zertteýde eńbek etip júrgen izdenýshilerdi tabý, yntalandyrý, nasıhattaý;
- Rahymjan Otarbaevtyń dramalyq shyǵarmalaryn ádebıettaný salasynyń zertteý nysanyna aınaldyrý;
- Álem jáne qazaq dramatýrgterimen salystyra otyra Rahymjan Otarbaevtyń dramalyq shyǵarmalaryndaǵy basty erekshelikterdi anyqtaý;
- Rahymjan Otarbaevtyń dramalyq shyǵarmashylyǵyndaǵy tarıhı tulǵalarǵa, áleýmettik, jalpy adamzattyq taqyryptarǵa zertteý júrgizý.
- BAIQAÝDY ÓTKIZÝ TÁRTIBI
2.1 «Rahymjan Otarbaev Rýhanııat qory» jeke qory (budan ári – Qor) Baıqaýdyń uıymdastyrýshysy bolyp tabylady.
2.2 Baıqaý qorytyndysy Rahymjan Otarbaevtyń 65 jyldyq mereıtoıy qarsańynda Atyraý qalasynda ótedi (Karantın jaǵdaıyna baılanysty qorytyndy qashyqtyqtan ótýi múmkin. Ózgerister Qor paraqshasynda fb jáne ınstagram áleýmettik jelilerinde aldyn-ala habarlanady).
- BAIQAÝǴA QOIYLATYN TALAPTAR:
3.1 Respýblıkalyq Baıqaýǵa qatysýshylardyń jas ereksheligi shekteýsiz.
3.2 Baıqaýǵa kelesi zertteý baǵyttary boıynsha jazylǵan jumystar qabyldanady:
I baǵyt – «Rahymjan Otarbaev dramatýrgııasyndaǵy tarıhı tulǵalar beınesiniń ashylý sheberligi»
II baǵyt – «Rahymjan Otarbaev dramatýrgııasyndaǵy áleýmettik,jalpy adamzattyq taqyryptardyń ashylýy»
III baǵyt – Erkin taqyryp (kez kelgen otandyq nemese sheteldik dramatýrgtyń shyǵarmasyn zertteý)
3.3 Baıqaýǵa qatysýshylar 2021 jyldyń shilde aıynan bastap 2021 jyldyń 30 qyrkúıegine deıin óz jumystaryn Qordyń elektrondyq poshtasyna (rahimzhanruhaniat@mail.ru) jiberýi tıis.
- BAIQAÝDYŃ NÁTIJESIN ShYǴARÝ
4.1 Baıqaýǵa qatysýshylardyń jumysyn baǵalaý jáne júldegerlerdi anyqtaý úshin qazylar alqasy qurylady. Qazylar alqasynyń quramyn Qor basshylyǵy anyqtaıdy. Qazylar alqasynyń quramy bedeldi ádebıetshilerden, teatrtanýshylardan, ǵalymdardan turady.
4.2 Baıqaý jeńimpazdary 3 baǵyt boıynsha (I. «Rahymjan Otarbaev dramatýrgııasyndaǵy tarıhı tulǵalar beınesiniń ashylý sheberligi»; II. «Rahymjan Otarbaev dramatýrgııasyndaǵy áleýmettik, jalpy adamzattyq taqyryptardyń ashylýy»; III. Erkin taqyryp) anyqtalady. Ár baǵyttan tek bir qatysýshy jeńimpaz atanady.
4.3 Baıqaý jeńimpazdary qarjylaı syılyqtarmen marapattalady:
I baǵyt – «Rahymjan Otarbaev dramatýrgııasyndaǵy tarıhı tulǵalar beınesiniń ashylý sheberligi» – 500 000 tg.
II baǵyt – «Rahymjan Otarbaev dramatýrgııasyndaǵy áleýmettik, jalpy adamzattyq taqyryptardyń ashylýy» – 500 000 tg.
III baǵyt – Erkin taqyryp (kez kelgen otandyq nemese sheteldik dramatýrgııalyq shyǵarmany zertteý) – 250 000 tg.
4.4 Baıqaý jeńimpazdary týraly aqparat Baıqaý qorytyndysy ótkennen keıin buqaralyq aqparat quraldarynda jarııalanady jáne Qordyń áleýmettik jelidegi paraqshalarynda ornalastyrylady.
4.5 Baıqaýǵa kelip túsken shyǵarmalar Qalamger.kz ádebı-tanymdyq portalynyń Onlaın-Baıqaý bóliminde jarııalanatyn bolady.
Baılanys tek Qor elektrondy poshtasy arqyly.
E-mail: rahimzhanruhaniat@mail.ru
«Rahymjan Otarbaevtyń Rýhanııat qory» jeke qorynyń dırektory S.J. Otarbaeva
