Qostanai oblysynda tūrǧyndardyŋ sudaǧy qauıpsızdıgın qamtamasyz etu maqsatynda şomylu mausymynda qūtqaru qyzmetterınıŋ jūmysy küşeitılıp, auqymdy profilaktikalyq ıs-şaralar jürgızılude.
Oblys aumaǧynda 8 myŋnan astam su aidyny bar. Onyŋ ışınde şomyluǧa rūqsat etılmegen 226 oryn anyqtalǧan. Öŋır äkımınıŋ qaulysyna säikes tūrǧyndardyŋ qauıpsız demalysy üşın 25 resmi şomylu orny belgılengen. Onyŋ altauy kommunaldyq, al 19-y jekemenşık jaǧajai bolyp tabylady.
Şomylu mausymy kezeŋınde tötenşe jaǧdailardyŋ aldyn alu jäne jedel äreket etu maqsatynda 120 qūtqaruşy, 35 tehnika, 21 jüzu qūraly jäne arnaiy süŋguırlık jabdyqtar täulık boiy daiyndyqta tūr. Sonymen qatar suǧa tüsuge arnalmaǧan aumaqtarda jaǧalau syzyǧyn patruldeu ūiymdastyrylyp, motorly qaiyqtarmen jabdyqtalǧan alty mobildı qūtqaru beketı jūmys ısteude.
Qazırgı taŋda Qostanai oblysynyŋ Tötenşe jaǧdailar departamentı halyq arasynda tūraqty türde tüsındıru jūmystaryn jürgızude. Būl baǧyttaǧy jūmystarǧa polisiia qyzmetkerlerı, Ūlttyq ūlan äskeri qyzmetşılerı, bılım beru ūiymdarynyŋ ökılderı men erıktıler tartylǧan. Vedomstvoaralyq özara ıs-qimyl aiasynda qosymşa patruldeu şaralary ūiymdastyrylyp, tūrǧyndarǧa sudaǧy qauıpsızdık talaptary keŋınen tüsındırılude.
Mamandar tūrǧyndardy tek arnaiy jabdyqtalǧan jäne rūqsat etılgen oryndarda şomyluǧa, balalardy qarausyz qaldyrmauǧa, sondai-aq alkogoldık ışımdık ışkennen keiın suǧa tüspeuge şaqyrady. Qarapaiym qauıpsızdık erejelerın saqtau adam ömırı men densaulyǧyn qorǧaudyŋ basty kepılı bolyp tabylady.
