قازاق ادەبيەتى مەن رۋحانياتى اۋىر قازاعا ۇشىرادى. بەلگىلى قالامگەر، اقىن، اۋدارماشى سەرىك قۇلجاقانۇلى بۇگىن، 20 مامىر كۇنى شىعىس قازاقستان وبلىسى قاتونقاراعاي اۋداندىق اۋرۋحاناسىندا دۇنيەدەن ءوتتى. قارالى حاباردى الاشتانۋشى ادىلەت احمەت ءوزىنىڭ Facebook پاراقشاسىندا جاريالادى، دەپ حابارلايدى “ادىرنا”.
«مارقۇممەن قوشتاسۋ جانە جانازا نامازى 22 مامىر كۇنى ساعات 10:00-دە قاتونقاراعاي اۋىلىنداعى ءوز شاڭىراعىندا وتەدى (اباي كوشەسى، 72)”، دەلىنگەن جازبادا.
سەرىك قۇلجاقانۇلى 1982 جىلى قىتاي حالىق رەسپۋبليكاسىنىڭ شىڭجاڭ ۇيعىر اۆتونوميالىق ولكەسىنە قاراستى التاي قالاسى، الاعاق اۋىلىندا دۇنيەگە كەلگەن. ول قازاق جانە قىتاي تىلدەرىندە قاتار قالام تەربەگەن دارىندى اقىن، پروزاشى ءارى كاسىبي اۋدارماشى رەتىندە تانىلدى.
ءبىلىم جولىندا شىڭجاڭ پەداگوگيكالىق ۋنيۆەرسيتەتىندە كونە قىتاي ءتىلى ماماندىعى بويىنشا ءبىلىم الىپ، كەيىن قىتايدىڭ سولتۇستىك-شىعىس پەداگوگيكالىق ۋنيۆەرسيتەتىنىڭ پسيحولوگيا فاكۋلتەتىندە وقىعان. 2016 جىلى قىتاي اۋدارماشىلار قاۋىمداستىعى جانىنداعى ەكىتىلدى اۋدارما كۋرستارىندا بىلىكتىلىگىن جەتىلدىرسە، 2018 جىلى لۋ سين اتىنداعى ادەبيەت ينستيتۋتىنىڭ جوعارى دەڭگەيلى ادەبي سەمينارىندا ءبىلىمىن تولىقتىرعان.
قالامگەردىڭ ولەڭدەرى مەن پروزالىق شىعارمالارى قىتايداعى ءتۇرلى ادەبي باسىلىمدار مەن جۋرنالداردا جارىق كورگەن. ول قازاق جانە قىتاي تىلدەرىندە ونداعان كوركەم اڭگىمە مەن ادەبي تۋىندىلار جازىپ، ادەبيەت پەن مادەنيەت سالاسىندا ءونىمدى ەڭبەك ەتتى.
سەرىك قۇلجاقانۇلى اۋدارما سالاسىندا دا ايرىقشا ءىز قالدىردى. قازاق تىلىنە قىتاي پوەزياسىنان جۇزدەن استام ولەڭ اۋدارىپ، حۋ ءشيدىڭ «قىرىق جىلدىق ءومىربايان» ەڭبەگىن جانە تانىمال «جىلداعى 8760 ساعات» كىتابىن قازاقشا سويلەتتى. سونىمەن قاتار ابىلعازى ءباھادۇر حاننىڭ «شەجىرە-ي تۇرىك» شىعارماسىن قازاق تىلىنەن قىتاي تىلىنە اۋدارعان.
ول شىڭجاڭ جازۋشىلار وداعىنىڭ، قىتاي از ۇلت جازۋشىلارى قاۋىمداستىعىنىڭ جانە قىتاي اۋدارماشىلار قاۋىمداستىعىنىڭ مۇشەسى بولعان. ادەبيەت پەن اۋدارما سالاسىنداعى ەڭبەكتەرى بىرنەشە مارتە «جىلدىڭ ۇزدىك تۋىندىسى» اتاعىمەن ماراپاتتالعان.
2023 جىلدىڭ شىلدە ايىندا قازاقستان رەسپۋبليكاسىنىڭ ازاماتتىعىن العان اقىن سوڭعى جىلدارى تاريحي وتانىنا قونىس اۋدارىپ، ەل ادەبيەتىنە بەلسەنە ارالاسىپ جۇرگەن ەدى. ول "جوعالعان ادام" دەگەن ولەڭىندە بىلاي دەپ جىرلاعان ەدى:
