قورعانىس مينيسترلىگىندە كايرات ساتىبالدىۇلىنىڭ اسكەري-سپورت كوللەدجىنە بارۋىنا قاتىستى اقپاراتقا تۇسىنىكتەمە بەرىلدى، دەپ حابارلايدى "ادىرنا" ۇلتتىق پورتالى.
بۇعان دەيىن قايرات ساتىبالدىۇلىنىڭ ب.مومىشۇلى اتىنداعى اسكەري-سپورت كوللەدجى ستۋدەنتتەرىنە ءدارىس وقىعانى تۋرالى اقپارات تاراعان. قورعانىس ءمينيسترىنىڭ ورىنباسارى دارحان احمەديەۆ كايرات ساتىبالدىۇلىنىڭ ءدارىس وقىماعانىن ايتتى.
«كوللەدجدىڭ 40 جىلدىق مەرەيتويى ءوتتى. بۇل شارانى تۇلەكتەر ۇيىمداستىردى. قورعانىس مينيسترلىگىنىڭ وعان قاتىسى جوق. ول وقۋ ورنىنىڭ تۇلەگى رەتىندە كەلدى. ءدارىس وقىدى دەگەندى العاش ەستىپ وتىرمىن. ول ءدارىس وقىعان جوق جانە وقىمايدى. ءدارىس وقۋ ءۇشىن وقىتۋشىلىق قۇرامدا بولۋ قاجەت»، – دەدى ۆيتسە-مينيستر.
سونىمەن قاتار دارحان احمەديەۆ بۇل جاعدايعا بايلانىستى وقۋ ورنى باسشىلىعىنا شارا قولدانىلعانىن جەتكىزدى.
«شارا قولدانىلدى. ەگەر قاتەلەسپەسەم، قىزمەتىنەن بوساتىلدى»، – دەدى ول.
الايدا ناقتى كىمنىڭ قىزمەتىنەن بوساتىلعانى جونىندە مينيسترلىك وكىلى ناقتىلاپ ايتپادى.
