Qorǧanys ministrlıgınde Kairat Satybaldyūlynyŋ äskeri-sport kolledjıne baruyna qatysty aqparatqa tüsınıkteme berıldı, dep habarlaidy "Adyrna" ūlttyq portaly.
Būǧan deiın Qairat Satybaldyūlynyŋ B.Momyşūly atyndaǧy äskeri-sport kolledjı studentterıne därıs oqyǧany turaly aqparat taraǧan. Qorǧanys ministrınıŋ orynbasary Darhan Ahmediev Kairat Satybaldyūlynyŋ därıs oqymaǧanyn aitty.
«Kolledjdıŋ 40 jyldyq mereitoiy öttı. Būl şarany tülekter ūiymdastyrdy. Qorǧanys ministrlıgınıŋ oǧan qatysy joq. Ol oqu ornynyŋ tülegı retınde keldı. Därıs oqydy degendı alǧaş estıp otyrmyn. Ol därıs oqyǧan joq jäne oqymaidy. Därıs oqu üşın oqytuşylyq qūramda bolu qajet», – dedı vise-ministr.
Sonymen qatar Darhan Ahmediev būl jaǧdaiǧa bailanysty oqu orny basşylyǧyna şara qoldanylǧanyn jetkızdı.
«Şara qoldanyldy. Eger qatelespesem, qyzmetınen bosatyldy», – dedı ol.
Alaida naqty kımnıŋ qyzmetınen bosatylǧany jönınde ministrlık ökılı naqtylap aitpady.
