مەملەكەت باسشىسى قاسىم-جومارت توقاەۆ ازەربايجان پرەزيدەنتى يلحام اليەۆ پەن ازەربايجان حالقىن ۇلتتىق مەرەكە – تاۋەلسىزدىك كۇنىمەن قۇتتىقتادى، دەپ حابارلايدى «ادىرنا» ءتىلشىسى.
«ازەربايجان تاۋەلسىزدىك جىلدارىندا مەملەكەتتىلىكتى نىعايتۋ مەن الەۋمەتتىك-ەكونوميكالىق دامۋدا زور تابىسقا جەتىپ، حالىقارالىق ارەنادا بەدەلىن كۇشەيتە ءتۇستى. ءسىزدىڭ مىقتى ءارى پاراساتتى باسشىلىعىڭىزبەن باۋىرلاس ازەربايجان حالقى ەكونوميكانىڭ ورنىقتى ءوسىمىن ودان ءارى قامتاماسىز ەتە بەرەتىنىنە سەنىمدىمىن»،– دەلىنگەن جەدەلحاتتا.
قاسىم-جومارت توقاەۆ يلحام اليەۆتىڭ اسا جاۋاپتى مەملەكەتتىك قىزمەتىنە تابىس، ال باۋىرلاس ازەربايجان حالقىنا قۇت-بەرەكە تىلەدى.
ەسكە سالايىق، بۇعان دەيىن تۇڭعىش پرەزيدەنت نۇرسۇلتان نازارباەۆتىى ازەربايجان باسشىسى يلحام اليەۆتى قۇربان ايت مەرەكەسى جانە تاۋەلسىزدىك كۇنىمەن قۇتتىقتاعانىن جازعان ەدىك.
