بۇگىن، 1 ماۋسىمدا «ادىلەت» پارتياسى رەسمي تۇردە تىركەۋدەن ءوتتى. بۇل تۋرالى ساياسي بىرلەستىكتىڭ ءباسپاسوز قىزمەتى جازدى, دەپ حابارلايدى «ادىرنا» ءتىلشىسى.
جاڭا ساياسي ۇيىم ءوز قاتارىنا ءارتۇرلى كاسىبي سالالاردىڭ ماماندارىن بىرىكتىرىپ وتىر. ولاردىڭ ىشىندە ەڭبەك ادامدارى، مۇناي سەرۆيستىك جانە تاۋ-كەن مەتاللۋرگيا سالاسىنىڭ قىزمەتكەرلەرى، شاحتەرلەر، سونداي-اق سپورت، ءبىلىم بەرۋ، دەنساۋلىق ساقتاۋ، عىلىم، كاسىپكەرلىك، IT-سالا، قۇقىق جانە كرەاتيۆتى يندۋستريا وكىلدەرى بار.
«پارتيا باعدارلاماسىنىڭ نەگىزىندە ادىلدىك، جاۋاپكەرشىلىك، تەڭ قۇقىقتىلىق، پاتريوتيزم جانە پروگرەسس قاعيداتتارى جاتىر. نەگىزگى باسىمدىقتاردىڭ قاتارىندا زاڭدىلىق پەن قۇقىقتىق ءتارتىپ قاعيداتتارىن نىعايتۋ، ءتيىمدى ينستيتۋتتاردى دامىتۋ، وڭىرلەردى قولداۋ، تسيفرلاندىرۋ، ادامي كاپيتالدى دامىتۋ جانە باسەكەگە قابىلەتتى ەكونوميكانى قالىپتاستىرۋ بەلگىلەنگەن. «ادىلەت» پارتياسى ءوز قىزمەتىن كاسىبي تاسىلگە، قوعامدىق ديالوگقا جانە جاۋاپتى قوعامدىق كۇن تارتىبىنە سۇيەنە وتىرىپ، ءادىل، زاماناۋي جانە باسەكەگە قابىلەتتى قازاقستاندى دامىتۋعا قوسىلعان ۇلەس دەپ سانايدى»، - دەلىنگەن حابارلامادا.
جاقىندا ساياسي ۇيىم ءوزىنىڭ ۇيىمداستىرۋشىلىق قۇرىلىمىن ودان ءارى قالىپتاستىرۋعا جانە ەلىمىزدىڭ ايماقتارىنداعى جۇمىستارىن باستاۋعا كىرىسپەك.
