شىعىس قازاقستان وبلىسىنىڭ ۇلان اۋدانىندا ورمان ءورتى شىعىپ، ونى ءسوندىرۋ جۇمىستارىنا ارنايى كۇشتەر مەن اۆياتسيا تارتىلدى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
الدىن الا مالىمەتكە سايكەس، ءورت ايۋدا شاتقالىنداعى «اسۋ-بۇلاق ورمان شارۋاشىلىعى» اۋماعىندا تۇتانعان. جالىن قۇرعاق ءشوپتى، بۇتالاردى جانە ورمان القابىن شارپىعان. قازىرگى ۋاقىتتا ءورتتىڭ ناقتى كولەمى انىقتالىپ جاتىر.
ءتىلسىز جاۋدى اۋىزدىقتاۋ جۇمىستارىنا ەكولوگيا جانە تابيعي رەسۋرستار مينيسترلىگىنىڭ ماماندارى، توتەنشە جاعدايلار دەپارتامەنتىنىڭ بولىمشەلەرى جانە توتەنشە جاعدايلار مينيسترلىگىنە قاراستى «قازاۋەقۇتقارۋ» اكتسيونەرلىك قوعامىنىڭ ەكى تىكۇشاعى جۇمىلدىرىلدى.
ءورتتىڭ ودان ءارى تارالۋىنا جول بەرمەۋ ماقساتىندا قۇتقارۋشىلار بىرنەشە باعىتتا جۇمىس جۇرگىزۋدە. سونداي-اق اۋەدەن سۋ توگۋ ارقىلى جالىن وشاقتارىن ءسوندىرۋ شارالارى قولعا الىنعان.
قازىر جاۋاپتى قىزمەتتەر جاعدايدى باقىلاۋدا ۇستاپ، ءورتتى تولىق وقشاۋلاۋ باعىتىنداعى جۇمىستاردى جالعاستىرىپ جاتىر.
