فرانتسيانىڭ سولتۇستىك-شىعىسىنداعى تومبلەن قالاسىندا ۇشاق اپاتقا ۇشىراپ، 11 ادام قازا تاپتى. بۇل تۋرالى جەرگىلىكتى باسىلىم جاريالادى، دەپ حابارلايدى "ادىرنا".
مالىمەت بويىنشا، اپاتقا ۇشىراعان ۇشاق پاراشيۋتشىلەردى دايارلايتىن مەكتەپكە تيەسىلى بولعان. بورتتا ۇشقىش، بەس نۇسقاۋشى جانە بەس كۋرسانت وتىرعان. وكىنىشكە قاراي، اپاتتان امان قالعان ەشكىم جوق.
CNN باسىلىمىنڭ جازۋىنشا، ازىرشە اۋە اپاتىنىڭ ناقتى ءمان-جايى جاريالانعان جوق. بيلىك وكىلدەرى ۇشاقتىڭ قانداي سەبەپپەن قۇلاعانىن جانە اپاتتىڭ ۇشۋدىڭ قاي كەزەڭىندە بولعانىن حابارلامادى. وقيعا ورنىندا توتەنشە جاعداي قىزمەتتەرى جۇمىس ىستەپ، تەرگەۋ امالدارىن جۇرگىزىپ جاتىر.
قايعىلى وقيعاعا بايلانىستى فرانتسيانىڭ ىشكى ىستەر ءمينيسترى تومبلەن قالاسىنا اتتاندى. ول قۇتقارۋ جانە تەرگەۋ جۇمىستارىنىڭ بارىسىمەن تانىسىپ، جەرگىلىكتى بيلىك وكىلدەرىمەن كەزدەسەدى دەپ جوسپارلانىپ وتىر.
اۋە اپاتىنىڭ سەبەپتەرىن فرانتسيانىڭ ءتيىستى تەرگەۋ ورگاندارى انىقتايدى. ماماندار ۇشاقتىڭ تەحنيكالىق جاعدايىن جانە اپاتقا اكەلۋى مۇمكىن بارلىق ىقتيمال سەبەپتەردى جان-جاقتى زەرتتەمەك.
