ميحايل لومتادزە دجەكيدىڭ قازاقستاندى ءوز ۇيىندەي سەزىنۋى ءۇشىن اڭىزعا اينالعان اكتەرگە Kaspi Gold تابىستادى.
بۇگىن الماتىدا دجەكي چاننىڭ قاتىسۋىمەن تۇسىرىلەتىن «قۇدايدىڭ ساۋىتى: ۋلتيماتۋم» فيلمىنە ارنالعان ءباسپاسوز كونفەرەنتسياسى ءوتتى. Kaspi.kz كارتينا ءتۇسىرىلىمىنىڭ باس سەرىكتەسى بولدى.
ءباسپاسوز كونفەرەنتسياسى بارىسىندا Kaspi.kz-ءتىڭ باسشىسى ءارى تەڭ قۇرىلتايشىسى ميحايل لومتادزە دجەكي چانعا Kaspi Gold تابىستادى.
ميحايل لومتادزە، Kaspi.kz باسشىسى ءارى نەگىزىن قالاۋشىلاردىڭ ءبىرى:
«دجەكي چاندى قازاقستاندا قارسى الىپ، ونىڭ جاڭا ءفيلمىنىڭ تۇسىرىلىمىنە قولداۋ كورسەتۋ ءبىز ءۇشىن ۇلكەن قۋانىش. بۇل جوبا ەلىمىزگە الەمنىڭ نازارىن اۋدارىپ، قازاقستاندى جاڭا قىرىنان كورسەتۋگە مۇمكىندىك بەرەدى.
دجەكي قازاقستانمەن بۇرىننان تانىس. بىراق ءبىز ونىڭ ەلىمىزدىڭ كۇندەلىكتى تىنىس-تىرشىلىگىن تولىق سەزىنۋى ءۇشىن مىندەتتى تۇردە Kaspi Gold قاجەت دەپ شەشتىك. ول ارقىلى دجەكي زاماناۋي قازاقستاننىڭ ومىرىمەن جاقىنىراق تانىسىپ، ءتۇسىرىلىم كەزىندە ءوز ۇيىندەي جايلى سەزىنە الادى.
وسى اۋقىمدى جوبانىڭ ءبىر بولىگى بولۋعا مۇمكىندىك بەرگەنى ءۇشىن ءSاlem Entertainment پەن Adal Investments كومپانيالارىنا العىسىمىزدى بىلدىرەمىز. دجەكي چانعا جانە ءفيلمنىڭ بۇكىل شىعارماشىلىق توبىنا ءساتتى ءتۇسىرىلىم، زور شابىت جانە قازاقستاننان ۇمىتىلماس اسەر تىلەيمىز».
دجەكي چان، اكتەر، رەجيسسەر جانە پروديۋسەر:
«وسى جەردە بولعانىما، قازاقستانعا قايتا ورالعانىما وتە قۋانىشتىمىن. ەڭ الدىمەن Kaspi.kz جانە ءSاlem Entertainment-كە، رەجيسسەرگە جانە وسى جوبانىڭ جۇزەگە اسۋىنا ايانباي ەڭبەك سىڭىرگەن بارشا جاندارعا شىن جۇرەكتەن العىسىمدى بىلدىرەمىن.
ءفيلمنىڭ ءتۇسىرىلىمىن باستاۋدى اسىعا كۇتىپ ءجۇرمىن. فيلم باستالعاندا ۇلكەن سىناق ەكەنىن بىلەمىن، بىراق سونىمەن بىرگە بۇل ەرەكشە شابىت سىيلايتىن، زور قۋانىش اكەلەتىن جۇمىس. بارشاڭىزدى جاقسى كورەمىن. راقمەت!»
«قۇدايدىڭ ساۋىتى» – الەمنىڭ تۇكپىر-تۇكپىرىندەگى بىرنەشە بۋىن كورەرمەننىڭ سۇيىسپەنشىلىگىنە يە بولعان كۋلتتىك شىتىرمان وقيعالى فرانشيزا. «قۇدايدىڭ ساۋىتى: ۋلتيماتۋم» جاڭا ءفيلمى دجەكي چان سومداعان ايگىلى كەيىپكەردىڭ حيكاياسىن جالعاستىرادى.
ءفيلمنىڭ ءتۇسىرىلىمى ماڭعىستاۋ جانە الماتى وبلىستارىندا وتۋدە. بۇل تابيعي كوركەم ورىنداردى دجەكي چان 2025 جىلدىڭ سوڭىندا قازاقستانعا جاساعان ساپارى كەزىندە ءوزى تاڭداعان.
جوبانىڭ باستاماشىلارى – ءSاlem Entertainment جانە Adal Investments. ءفيلمنىڭ تۇساۋكەسەرى 2027 جىلدىڭ اقپان ايىنا جوسپارلانعان.
