مەملەكەت باسشىسى قاسىم-جومارت توقاەۆ پرەمەر-مينيستر ءاليحان سمايىلوۆتى قابىلدادى، دەپ حابارلايدى “ادىرنا” ۇلتتىق پورتالى اقورداعا سىلتەمە جاساپ.
پرەزيدەنت قاسىم-جومارت توقاەۆقا 2022 جىلدىڭ قاڭتار-شىلدە ايلارىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى تۋرالى باياندالدى.
ءاليحان سمايىلوۆتىڭ ايتۋىنشا، وسى ارالىقتا ءجىو ءوسىمى 3,2 پايىزدى قۇرادى. تاۋارلار ءوندىرىسى 3,3 پايىزعا، كورسەتىلگەن قىزمەتتەر 2,4 پايىزعا ارتتى. قۇرىلىس، ساۋدا، وڭدەۋ ونەركاسىبى، سونداي-اق كولىك جانە بايلانىس سالالارىندا ايتارلىقتاي ءوسىم بار.
پرەمەر-مينيستر پرەزيدەنتكە ۇكىمەتتىڭ الەۋمەتتىك ماڭىزى بار ازىق-تۇلىك تاۋارلارىنا باعانى تەجەۋ شارالارىنا قاتىستى مالىمەت بەردى. ۇكىمەت 2022-2024 جىلدارعا ارنالعان ازىق-تۇلىك قاۋىپسىزدىگى جوسپارىن ورىنداپ كەلەدى.
پرەمەر-مينيستر ينفلياتسيا دەڭگەيىن تومەندەتۋ، ەكونوميكانى دەمونوپوليزاتسيالاۋ، ەلدىڭ ترانزيتتىك-كولىكتىك الەۋەتىن دامىتۋ جونىندەگى شارالار تۋرالى باياندادى. ءاليحان سمايىلوۆ قۇنى 22,2 تريلليون تەڭگە بولاتىن ينۆەستيتسيالىق جوبالاردىڭ جۇزەگە اسىرىلىپ جاتقانىن جەتكىزدى.
سونىمەن قاتار ۇكىمەت باسشىسى پرەزيدەنتكە قازاقستاننىڭ 2023-2025 جىلدارعا ارنالعان الەۋمەتتىك-ەكونوميكالىق دامۋ بولجامىن ۇسىندى.
پرەزيدەنت قۇرىلىمدىق رەفورمالار مەن ەكونوميكانى دەمونوپوليزاتسيالاۋدى جالعاستىرىپ، كاسىپكەرلىككە قولداۋ كورسەتۋ قاجەت ەكەنىن ايتتى. سونداي-اق، حالىقتىڭ كىرىسىن ارتتىرۋدى قامتاماسىز ەتۋدىڭ ماڭىزدىلىعىن اتاپ ءوتتى.
”ادىرنا” ۇلتتىق پورتالى
