«ادىلەت» ەلىمىزدەگى وزگە ساياسي پارتيالاردان نەسىمەن ەرەكشە؟ ولاردان نە ايىرماشىلىعى بار؟ قۇرىلتاي دەپۋتاتتىعىنا كانديدات راۋان كەنجەحانۇلى قوعامدا ءجيى ايتىلاتىن وسى سۇراقتارعا تولىق جاۋاپ بەرىپ، اشىق سۇحبات بەردى، دەپ حابارلايدى «ادىرنا» پورتالى.
ونىڭ سوزىنشە، «ادىلەت» پارتياسى ءوزىن ەلىمىزدە باستالىپ جاتقان جاڭا كەزەڭنىڭ ساياسي تىرەگى رەتىندە تانىستىرادى. تەك سوعان كوپ ادام ءمان بەرمەي ءجۇر. پرەزيدەنتتىڭ باستاماسىمەن جازىلعان، قۇراستىرىلعان جاڭا كونستيتۋتسيا – بۇل الەمدەگى ساياسي، تەحنولوگيالىق باسقا دا وزگەرىستەردى ەسكەرەتىن قازاقستانعا الداعى كەزەڭگە مۇلدە جاڭا ماقسات قوياتىن، قوعام سوعان سۇيەنە الاتىن جاڭا قۇندىلىقتار ۇسىنعان جاڭا تۇرپاتتاعى نەگىزگى زاڭ.
«كونستيتۋتسيادا ايتىلعان «زاڭ مەن ءتارتىپ»، ادىلەتتى قازاقستان، ءبىلىم مەن تەحنولوگياعا سۇيەنەتىن مەملەكەت پەن قوعام قۇرۋ – بۇل قازاقستاننىڭ جاڭا يدەولوگياسى. بىزدە يدەولوگيا بار ما دەگەن قوعامدا دا كوپ تالقىلاندى. مىنە، يدەلوگيا – ادىلەتتى قازاقستان. ەڭبەكتەگەن بالادان باستاپ، ەڭكەيگەن قارياعا دەيىن سەنەتىنى، ىزدەيتىنى ادىلەتتىلىك. قىزمەتتە، ومىردە، ادامدارمەن قارىم-قاتىناستا ادىلەتتىلىك ىزدەيدى. ادىلەتسىزدىك بولسا، وندا كوڭىل جابىرقاپ، ادىلەتتىلىك ءۇشىن شاماسى كەلگەنشە كۇرەسەدى. سول سياقتى قوعام دا، قازاقستان دا ءوزىن ادىلەتتى قوعام بولۋعا، ادىلەتتى مەملەكەت قۇرۋعا، ادىلەتكە سۇيەنەتىن ەكونوميكا قۇرۋعا بەت الىپ جاتىر. ءبىز سونىڭ نەگىزگى قوزعاۋشى كۇشى، وسى ۇلكەن يدەولوگيالىق باعىتتىڭ ساياسي تىرەگى بولعىمىز كەلەدى. «ادىلەت» پارتياسىنىڭ نەگىزگى ۇستانىمى، باعىتى، ويى وسى»، – دەيدى ول.
ونىڭ سوزىنشە، پارتيانى قۇرعان باستاماشى توپتاعى 15 ادام جاڭا كونستيتسيانى جازۋعا، ونى قابىلداۋعا جاۋاپتى بولعان ازاماتتار. وسى ارالىقتا وتكەن 3 سەزدە ساياسي ۇيىم حالىقتىقتىڭ سەنىمى بارىن سەزگەن. سونىڭ كورسەتكىشى بولار، پارتياعا مۇشە بولۋعا نيەت ءبىلدىرىپ وتىرعانداردىڭ سانى 700 مىڭنان اسىپ، 800 مىڭعا تاياعان.
ء«بىزدىڭ ماقساتىمىز – كاسىبي پارلامەنت قالىپتاستىرۋ. كاسىبي پارلامەنت دەگەنىمىز – ونىڭ قۇرامىنا زاڭ شىعارۋعا، مەملەكەتتىك ماسەلەلەردى تالقىلاۋعا جانە تۋىنداعان ماسەلەلەر بويىنشا ناقتى ۇسىنىس بەرە الاتىن ازاماتتاردىڭ كەلۋى. ءبىز ەشكىمدى شەتتەتكىمىز كەلمەيدى. دەگەنمەن قازىرگى پارتيالىق ءتىزىمنىڭ ءبىر ارتىقشىلىعى – پارلامەنت قۇرامىن كاسىبي تۇرعىدان كۇشەيتۋگە مۇمكىندىك بەرەدى. ياعني ءىرى كاسىپورىنداردى باسقارعان ازاماتتاردىڭ، ءتۇرلى مەكەمەلەردىڭ باسشىلارىنىڭ، ءوز ەڭبەگىمەن، بىلىكتىلىگىمەن تانىلعان مامانداردىڭ پارلامەنتتە كوبىرەك بولعانى ماڭىزدى دەپ ەسەپتەيمىز»، – دەيدى ول.
راۋان كەنجەحاننىڭ پايىمىنشا، قازىرگى كانديداتتار مۇلدە جاڭا ۇعىمدارمەن، جاڭا تالاپتارمەن قالىپتاساتىن قۇرىلتايعا بارا جاتىر. ءبىر جاعىنان، ونىڭ الدىندا جاڭا كونستيتۋتسيا جۇكتەگەن ۇلكەن مىندەتتەر تۇر. ەكىنشى جاعىنان، ونىڭ قۇرامىن جاڭادان قۇرىلعان پارتيالاردىڭ وكىلدەرى، ساياساتقا جاڭادان كەلگەن ازاماتتار جانە جاڭا قاعيداتتار بويىنشا ىرىكتەلگەن تۇلعالار قۇرايدى.
سوندىقتان بۇل – مازمۇنى جاعىنان دا، قۇرامى جاعىنان دا مۇلدە جاڭا قۇرىلتاي.
«مەنىڭ دە، پارتيالاستارىمنىڭ دا وسى جاڭادان قۇرىلاتىن قۇرىلتايعا ارتاتىن ءۇمىتى زور. سول قۇرىلتاي قابىلدايتىن شەشىمدەر مەن زاڭدار بۇكىلحالىقتىق رەفەرەندۋمدا قابىلدانعان كونستيتۋتسيانى ىسكە اسىرۋعا مۇمكىندىك بەرەتىن نەگىزگى كۇش بولادى دەپ ويلايمىن»، – دەيدى قۇرىلتاي كانديداتى.
ايتا كەتەيىك، راۋان كەنجەحانۇلى جۋىردا «4ۆلاست» يۋتۋب كانالىنا سۇحبات بەرگەن بولاتىن.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
