جەتىسۋ وبلىسىنىڭ الاكول اۋدانىندا قول جەتۋى قيىن تاۋلى ايماقتا تۇتانعان قۇرعاق ءشوپ ورتىمەن كۇرەس جالعاسىپ جاتىر، دەپ حابارلايدى “ادىرنا” ءتىلشىسى.
توتەنشە جاعدايلار مينيسترلىگى حابارلاۋىنشا، ءورتتى سوندىرۋگە كەي ۋچاسكەلەردىڭ قولجەتىمسىزدىگى كەدەرگى كەلتىرۋدە.
ءورتتى سوندىرۋگە تجم، ورمان شارۋاشىلىعى جانە جەرگىلىكتى اتقارۋشى ورگانداردان 52 ادام مەن 11 تەحنيكا جۇمىلدىرىلعان. تاۋلى ايماقتا ۇقك شەكارا قىزمەتىنىڭ اۆياتسياسى جانە تجم-ءنىڭ «قازاۋەقۇتقارۋ» قىزمەتى دە جۇمىس ىستەپ جاتىر.
اۋەدەن ءورت اۋماعىنا جالپى كولەمى 33 توننا بولاتىن 11 رەت سۋ توگىلگەن.
تجم مالىمەتىنشە، ەلدى مەكەندەرگە قاۋىپ ءتونىپ تۇرعان جوق. جاعداي ۆەدومستۆونىڭ باقىلاۋىندا.
بۇعان دەيىن قاراعاندى وبلىسىنىڭ شەت، اقتوعاي، بۇقار جىراۋ جانە قارقارالى اۋداندارىندا دا دالا ورتتەرى تىركەلگەن. ولاردى وقشاۋلاۋ جانە ەلدى مەكەندەردى قورعاۋ جۇمىستارىنا 620 قىزمەتكەر مەن 134 تەحنيكا تارتىلعان.
