يران پارلامەنتىندەگى ەنەرگەتيكا كوميتەتىنىڭ وتىرىسى كەزىندە ەلدەگى ەنەرگيامەن قامتۋ ماسەلەلەرى تالقىلانىپ جاتقاندا ەلەكتر قۋاتى ءوشىپ قالدى، دەپ حابارلايدى "ادىرنا" ءتىلشىسى Iran Internayional-عا سىلتەپ.
وقيعا ەنەرگەتيكالىق داعدارىسقا ارنالعان جيىن بارىسىندا بولعان. وتىرىسقا مەملەكەتتىك ورگانداردىڭ وكىلدەرى مەن ەلەكتر ەنەرگەتيكاسى سالاسىنىڭ ماماندارى قاتىستى. جيىندا ەلدەگى ەلەكتر قۋاتىنىڭ سوڭعى كەزدەگى ۇزىلىستەرىنىڭ سەبەپتەرى جانە حالىق پەن ونەركاسىپتى تۇراقتى ەنەرگيامەن قامتاماسىز ەتۋ شارالارى قارالدى.
الايدا تالقىلاۋ كەزىندە پارلامەنت عيماراتىندا ەلەكتر جارىعى ءسونىپ، وتىرىسقا كەدەرگى كەلدى.
Fars اگەنتتىگىنىڭ مالىمەتىنشە، ەلەكتر قۋاتىنىڭ ءوشۋى جوسپارلى بولعان. ەلەكتر ەنەرگياسى ەكى ساعاتقا اجىراتىلعان. اگەنتتىك حابارلاعانداي، جيىنعا مۇناي جانە ەنەرگەتيكا مينيسترلىكتەرى باسشىلارىنىڭ ورىنباسارلارى دا قاتىستى.
