تۇركيادان رەسەيگە ۇشىپ بارا جاتقان «اەروفلوت» اۋە كومپانياسىنىڭ لاينەرى اتىراۋ اۋەجايىنا شۇعىل قوندى. بۇل تۋرالى «اق جايىق» جازدى، دەپ حابارلايدى «ادىرنا» ءتىلشىسى.
وقيعا 25 تامىزدا بولعان. مالىمەتكە سايكەس، انتاليادان ەكاتەرينبۋرگكە باعىت العان «اەروفلوت» اۋە كومپانياسىنىڭ رەيسى 41 جاستاعى جولاۋشىنىڭ دەنساۋلىعىنىڭ كۇرت ناشارلاۋىنا بايلانىستى اتىراۋ اۋەجايىنا ءماجبۇرلى تۇردە قونعان. ەر ادام تۇركياداعى دەمالىستان كەيىن ەلىنە قايتىپ كەلە جاتقان. ۇشۋ بارىسىندا ونىڭ جاعدايى كۇرت ناشارلاعان. الايدا كورسەتىلگەن كومەككە قاراماستان، جولاۋشى كوز جۇمعان.
«قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان كەشەندى العاشقى تەكسەرۋ شارالارى جۇرگىزىلىپ جاتىر. ءولىمنىڭ الدىن الا سەبەبى – جەدەل جۇرەك جەتكىلىكسىزدىگى»،– دەپ ءتۇسىندىردى اتىراۋ ستانتسياسىنداعى كولىك پوليتسياسى.
