1 قىركۇيەك كۇنى الماتى مەتروسىندا جولاۋشىلار سانى كۇرت ارتتى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە «باۋىرجان مومىشۇلى» ستانتسياسىنىڭ كىرەبەرىسىندە جينالعان حالىقتىڭ ۆيدەوسى تارادى.
مەترو وكىلدەرىنىڭ ايتۋىنشا، وقۋ جىلىنىڭ باستالۋىنا بايلانىستى جولاۋشىلار اعىنى ادەتتەگىدەن شامامەن ەكى ەسە كوبەيگەن. بۇعان وقۋشىلار مەن ستۋدەنتتەردىڭ قالاعا ورالۋى، قالا ماڭىنان كەلەتىن جولاۋشىلار سانىنىڭ ارتۋى جانە قىركۇيەكتەگى كولىك كەپتەلىسى سەبەپ بولعان. مەترو مالىمەتىنشە، 1 قىركۇيەكتە ساعات 06:20-دان 14:00-گە دەيىن مەتروپوليتەن قىزمەتىن شامامەن 40 مىڭ ادام پايدالانعان.
وقۋ جىلىنىڭ باستالۋىنا بايلانىستى قاربالاس ۋاقىتتا پويىزدار اراسىنداعى ينتەرۆال 3 مينۋت 27 سەكۋندقا دەيىن قىسقارتىلدى.
مەترو اكىمشىلىگى جولاۋشىلار اعىنىن باقىلاۋدى جالعاستىرىپ جاتىر.
