الماتىدا ەكى بلوگەردىڭ ۇستالعانى تۋرالى اقپارات تارادى، دەپ حابارلايدى “ادىرنا” ءتىلشىسى.
الماتىدا ەكى بلوگەردىڭ الەۋمەتتىك، ۇلتتىق، رۋلىق، ناسىلدىك نەمەسە ءدىني الاۋىزدىقتى قوزدىرۋعا قاتىستى قىلمىستىق باپ بويىنشا ۇستالعانى حابارلاندى.
بۇل تۋرالى ANNA News باسىلىمىنا سوتتالعان بلوگەر ەرمەك تايشىبەكوۆتىڭ اعاسى مارلەن ايتقان.
ونىڭ ايتۋىنشا، ەلميرا «ۆايس» كۋلاكوۆا مەن اناستاسيا احمەتوۆا ۇستالعان. ولارعا قازاقستان رەسپۋبليكاسى قىلمىستىق كودەكسىنىڭ 174-بابى بويىنشا ايىپ تاعىلىپ وتىر. اتالعان باپ الەۋمەتتىك، ۇلتتىق، رۋلىق، ناسىلدىك نەمەسە ءدىني الاۋىزدىقتى قوزدىرۋعا قاتىستى. بلوگەرلەردىڭ ناقتى قانداي ارەكەتى قىلمىستىق ىسكە سەبەپ بولعانى ازىرگە بەلگىسىز. سونداي-اق ولاردىڭ قازىرگى پروتسەسسۋالدىق مارتەبەسى تۋرالى رەسمي اقپارات جوق.
بۇعان دەيىن قازاقستاندا پرورەسەيلىك باعىتتاعى بىرقاتار بلوگەرگە قاتىستى ىستەر قوزعالعان. ولاردىڭ قاتارىندا «سەۆەرنىي كازاح» دەگەن اتپەن تانىمال اسلان تولەگەنوۆ پەن ەرمەك تايشىبەكوۆ بار.
اقپارات ازىرگە رەسمي قۇقىق قورعاۋ ورگاندارى تاراپىنان راستالعان جوق.
