ءتىل مەرەيىن كوتەرگەن تۇڭعىش زاڭ

فوتو جي كومەگىمەن جاسالدى

22 قىركۇيەك – قازاقستان حالقىنىڭ تىلدەرى كۇنى. بۇل داتا قازاق ءتىلىنىڭ مەملەكەتتىك مارتەبەسىن ايقىنداعان تاريحي قۇجاتتىڭ قابىلدانۋىمەن بايلانىستى.

وسىدان 37 جىل بۇرىن، 1989 جىلعى 22 قىركۇيەكتە قازاق كسر-ءنىڭ «تىلدەر تۋرالى» زاڭى قابىلداندى. قۇجاتتا قازاق ءتىلى مەملەكەتتىك ءتىل رەتىندە بەكىتىلىپ، ونىڭ قوعامدىق ومىردەگى قولدانىلۋ اياسىن كەڭەيتۋگە قۇقىقتىق نەگىز قالاندى. ال ورىس ءتىلى ۇلتارالىق قاتىناس ءتىلى رەتىندە بەلگىلەندى.

بۇل زاڭ قازاق ءتىلىنىڭ ءبىلىم بەرۋ، مادەنيەت، مەملەكەتتىك باسقارۋ جانە باسقا دا قوعامدىق سالالاردا قولدانىلۋىنا جول اشتى. ءتىل ماسەلەسىنىڭ زاڭنامالىق دەڭگەيدە بەكىتىلۋى سول كەزەڭ ءۇشىن ماڭىزدى تاريحي قادام بولدى.

قازاقستان تاۋەلسىزدىك العاننان كەيىن ءتىل ساياساتى جاڭا كەزەڭگە ءوتتى. 1997 جىلعى 11 شىلدەدە «قازاقستان رەسپۋبليكاسىنداعى تىلدەر تۋرالى» زاڭ قابىلداندى. اتالعان قۇجات قازاقستان اۋماعىنداعى تىلدەردىڭ قولدانىلۋى مەن دامۋىنا قاتىستى نەگىزگى قۇقىقتىق نورمالاردى ايقىندادى.

قولدانىستاعى زاڭ بويىنشا قازاق ءتىلى – قازاقستان رەسپۋبليكاسىنىڭ مەملەكەتتىك ءتىلى. مەملەكەتتىك ءتىلدىڭ مارتەبەسى كونستيتۋتسيادا دا بەكىتىلگەن.

ءتىل – ۇلتتىڭ مادەنيەتى مەن تاريحي جادىن ساقتايتىن نەگىزگى قۇندىلىقتاردىڭ ءبىرى. سوندىقتان 22 قىركۇيەك – ءتىلدىڭ قوعامداعى ورنى مەن ونى دامىتۋ ماسەلەسىنە نازار اۋداراتىن ماڭىزدى كۇن.