اسكەري بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن ماڭعىستاۋ وبلىسىنداعى وقۋ-جاتتىعۋ جيىنى كەزىندە قازا تاپقان اسكەري قىزمەتشىلەر قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالدى. بۇل تۋرالى اقوردا جاريالادى، دەپ حابارلايدى “ادىرنا”.
مەملەكەت باسشىسى قاسىم-جومارت توقاەۆتىڭ جارلىعىمەن اسكەري بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن ماڭعىستاۋ وبلىسىنداعى وقۋ-جاتتىعۋ جيىنى كەزىندە قازا تاپقان اسكەري قىزمەتشىلەر قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالدى.
باۋىرجان مومىشۇلى اتىنداعى ءىى دارەجەلى "ايبىن" وردەنىمەن:
- مۇحتارۇلى ولجاس – 29011 اسكەري ءبولىمى ۆزۆودىنىڭ كومانديرى.
راحىمجان قوشقارباەۆ اتىنداعى ءىىى دارەجەلى "ايبىن" وردەنىمەن:
- اياپبەرگەن سەرجان تالعاتۇلى – 29011 اسكەري ءبولىمى بولىمشەسىنىڭ كومانديرى;
- بەگەي داستان نۇربولۇلى – 29011 اسكەري ءبولىمىنىڭ اعا ماتروسى (اعا اتقىشى);
- بەردىحانوۆ مەيرامبەك ەرمۇحانۇلى – 29011 اسكەري ءبولىمى بولىمشەسىنىڭ كومانديرى;
- گيلاج اقجايىق بولاتبەكۇلى – 29011 اسكەري ءبولىمىنىڭ ماتروسى (گراناتا اتقىشى);
- عۇماروۆ مانسۇر ايتبايۇلى – 29011 اسكەري ءبولىمى بولىمشەسىنىڭ كومانديرى;
- ديحانباەۆ ولجاس ءتاجىبايۇلى – 29011 اسكەري ءبولىمى بولىمشەسىنىڭ كومانديرى;
- جاڭاباي اسەت ساماتۇلى – 29011 اسكەري ءبولىمىنىڭ مامانى (كوزدەۋشىسى);
- كوبەنوۆ الماس ءجۇسىپۇلى – 29011 اسكەري ءبولىمىنىڭ ماتروسى (گراناتا اتقىشى);
- ءمادىحان ازامات بولاتبەكۇلى – 29011 اسكەري ءبولىمىنىڭ ماتروسى (گراناتا اتقىشتىڭ كومەكشىسى);
- ومىرزاق ومىربەك ءومىربولاتۇلى – 29011 اسكەري ءبولىمىنىڭ ماتروسى (گراناتا اتقىشى);
- تەمىرعاليەۆ جەڭىس تىلەۋىشۇلى – 29011 اسكەري ءبولىمىنىڭ ماتروسى (وقشاشار اتقىشتىڭ كومەكشىسى);
- تولەگەن اقىلبەك قابدەنۇلى – 29011 اسكەري ءبولىمىنىڭ اعا ماتروسى (اعا اتقىشى);
- تۇردىبەكۇلى ميراس – 29011 اسكەري ءبولىمىنىڭ ماتروسى (اتقىشى).
ايتا كەتسەك، بۇگىن مەملەكەت باسشىسىنىڭ جارلىعىمەن قورعانىس ءمينيسترى داۋرەن قوسانوۆ بوساتىلىپ، ورنىنا گەنەرال-مايور ايدوس مىرزاحمەتوۆ كەلگەن بولاتىن.
ەسكە سالايىق، 24 قىركۇيەكتە كاسپي تەڭىزىندە اسكەري وقۋ-جاتتىعۋ كەزىندە اۋا رايىنىڭ ناشارلاپ، جەلدىڭ كۇشەيۋى سالدارىنان 17 اسكەري قىزمەتشىنى تەڭىز اعىزىپ اكەتتى. ولاردىڭ 14-ءى قازا تاۋىپ، ۇشەۋى قۇتقارىلدى.
وقيعا بويىنشا ەكى قىلمىستىق ءىس قوزعالدى. ولار قىلمىستىق كودەكستىڭ 453-بابىنىڭ 2-بولىگى ("اۋىر زارداپتارعا اكەپ سوققان قىزمەتكە سالعىرت قاراۋ") جانە 465-بابى ("كەمە جۇرگىزۋ قاعيدالارىن بۇزۋ") بويىنشا تەرگەلىپ جاتىر.
كۇدىكتىلەر انىقتالىپ، قورعانىس مينيسترلىگى جۇيەسىنىڭ بەس لاۋازىمدى تۇلعاسى ۇستالعان بولاتىن.
