ماسكەۋدەن الماتىعا ۇشقان SCAT اۋە كومپانياسىنىڭ ۇشاعى شۇعىل تۇردە استانا اۋەجايىنا قونۋعا ءماجبۇر بولدى. بۇل تۋرالى كومپانيانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
وقيعا 8 قاراشادا بولعان.
«ماسكەۋ – الماتى باعىتىنداعى DV 1008 رەيسىن ورىنداۋ كەزىندە بورتتىق جۇيەنىڭ دابىل ينديكاتورى ىسكە قوسىلدى. ەكيپاج ۇشاقتى استاناداعى بازالىق اۋەجايعا قوندىرۋ تۋرالى شەشىم قابىلدادى. قونۋ شتاتتىق رەجيمدە ءوتتى»، – دەلىنگەن حابارلامادا.
ءباسپاسوز قىزمەتىنىڭ مالىمەتىنشە، جولاۋشىلاردى الماتىعا جەتكىزۋ ءۇشىن اۋە كومپانياسى قوسالقى ۇشاق ۇسىنعان. اۋە كەمەسىن كۇتۋ كەزىندە جولاۋشىلارعا سالقىن سۋسىندار بەرىلگەن.
ايتا كەتەيىك، قازان ايىندا الماتىدان پاۆلودارعا باعىت العان FlyArystan ۇشاعى كەرى قايتۋعا ءماجبۇر بولعان ەدى.
ۇقساس جاڭالىقتار
