فوتو: اقوردا
ەرتەڭ، 13 قاراشادا پرەزيدەنت قاسىم-جومارت توقاەۆتىڭ توراعالىعىمەن قاۋىپسىزدىك كەڭەسىنىڭ كولىك-لوگيستيكا سالاسىن دامىتۋ ماسەلەلەرىنە ارنالعان شۇعىل وتىرىسى وتەدى، دەپ حابارلايدى “ادىرنا”.
بۇل تۋرالى مەملەكەت باسشىسىنىڭ كەڭەسشىسى – ءباسپاسوز حاتشىسى ايبەك سمادياروۆ الەۋمەتتىك جەلىدەگى پاراقشاسىندا حابارلادى.
جيىندا پرەزيدەنت «سامۇرىق-قازىنا» ۇلتتىق ءال-اۋقات قورى مەن «قازاقستان تەمىر جولى» ۇلتتىق كومپانياسى باسشىلارىنىڭ سىبايلاس جەمقورلىق قىلمىسىنا قاتىسى بار دەگەن كۇدىكپەن ۇستالۋىنا بايلانىستى مەملەكەتتىڭ ۇستانىمىن بىلدىرەدى.
سونداي-اق مەملەكەت باسشىسى «زاڭ مەن ءتارتىپ» قاعيداتىن ساقتاۋ، ۇلتتىق كومپانيا باسشىلارىنىڭ جەكە جاۋاپكەرشىلىگىن ارتتىرۋ، ستراتەگيالىق ماڭىزى بار كاسىپورىنداردىڭ قىزمەتىندە زاڭدىلىق پەن اشىقتىقتى قامتاماسىز ەتۋ ماسەلەلەرىنە توقتالادى.
بۇدان بولەك، «سامۇرىق-قازىنا» قورىنىڭ جۇمىسىن رەفورمالاۋ، ۇلتتىق كومپانيالاردىڭ باسقارۋ قۇرىلىمىن وڭتايلاندىرۋ، مەملەكەتتىك ساتىپ الۋدىڭ اشىقتىعىن قامتاماسىز ەتۋ جانە «قازاقستان تەمىر جولىنىڭ» تاريف ساياساتىن وزگەرتۋ ماسەلەلەرى دە كۇن تارتىبىندە قارالادى.
