ۇلىتاۋ – قازاق دالاسىنىڭ شەجىرەسىن بويىنا ساقتاعان، تاريحي ەسكەرتكىشتەرى مەن تابيعي كورىنىستەرى ۇيلەسىم تاپقان قاسيەتتى ولكە. بۇل وڭىرگە تابان تىرەگەن جاندى سان عاسىرلىق تاريحتان سىر شەرتەتىن كەسەنەلەر، اسقاق تاۋلار مەن كوركەم تابيعات قارسى الادى.

ۇلىتاۋدىڭ ءاربىر نىسانىنىڭ وزىندىك تاريحى مەن تاعىلىمى بار. سونىڭ ءبىرى – جوشى حان كەسەنەسى. ورتاعاسىرلىق ساۋلەت ونەرىنىڭ كورنەكتى ۇلگىسى سانالاتىن بۇل ەسكەرتكىش ۇلىتاۋ ءوڭىرىنىڭ تاريحي ماڭىزىن ايشىقتايدى. ال الاشا حان كەسەنەسى مەن دومباۋىل كەسەنەسى دە قازاق حالقىنىڭ مادەني-تاريحي مۇراسىنان ەرەكشە ورىن الادى.


ءوڭىردىڭ تابيعي كەلبەتى دە نازار اۋدارۋعا تۇرارلىق. اقجار تاۋلارىنىڭ ەرەكشە بەدەرى، تامدى وزەنىنىڭ تۇنىق سۋى مەن ەدىگە تاۋىنىڭ اسقاق كورىنىسى ساياحاتشىلارعا وزگەشە اسەر سىيلايدى. سونىمەن قاتار ماقات ساعاناسى، حان ورداسى، جاكۋدا يشان مەدرەسەسى جانە «بۇلانتى شايقاسى» مونۋمەنتى – ولكەنىڭ تاريحي-تانىمدىق باعىتتاعى ماڭىزدى نىساندارى.


ۇلىتاۋعا ساپار – تەك كورىكتى جەرلەردى تاماشالاۋ ەمەس، تۋعان ولكەنىڭ تاريحىن تەرەڭىرەك تانىپ، ونىڭ تابيعي بايلىعىن باعالاي تۇسۋگە مۇمكىندىك بەرەتىن ساياحات. مۇندا ءاربىر مەكەننىڭ ءوز ايتارى، ءاربىر تاريحي نىساننىڭ ءوز تاعىلىمى بار.

ۇلىتاۋ – تاريحى تەرەڭ، تابيعاتى كوركەم، تۋريستىك الەۋەتى جوعارى ءوڭىر. ونىڭ ءاربىر تاريحي ەسكەرتكىشى مەن تابيعي نىسانى قازاق دالاسىنىڭ باي مۇراسىن تانىتادى. بۇل ولكەنى ءبىر رەت ارالاۋ ارقىلى ونىڭ بار قىرىن تانۋ مۇمكىن ەمەس. سوندىقتان ۇلىتاۋدىڭ جاڭا باعىتتارىن اشىپ، تاريحي ورىندارىمەن جاقىنىراق تانىسۋعا ءالى دە سەبەپ كوپ.
ۇلىتاۋ وبلىسى 2026 جىلعا جوسپارلانعان ۆەتەريناريالىق نىسانداردىڭ قۇرىلىسىن ەلىمىزدە العاش بولىپ تولىق اياقتادى
