الەۋمەتتىك جەلىلەردە نۇر-سۇلتاندا كۋرەردىڭ سوققىعا جىعىلعانى تۋرالى اقپارات تاراعان. سودان كوپ ۇزاماي، Glovo-نىڭ قازاقستانداعى ءباسپاسوز قىزمەتى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
كومپانيا وكىلدەرىنىڭ ايتۋىنشا، قازىر سوققىعا جىعىلعان كۋرەردىڭ كىم ەكەنى انىقتالىپ جاتىر.
بۇكىل الەمدەگى Glovo كومپانياسى زورلىق-زومبىلىققا مۇلدەم توزبەيدى جانە قۇقىق قورعاۋ ورگاندارىنا قاجەتتى كومەك كورسەتۋگە دايىن. قازىر ءبىز ۆيدەوداعى Glovo سومكەسى بار ادامنىڭ كىم ەكەنىن انىقتاپ جاتىرمىز. بارلىق Glovo كۋرەرلەرى «كۋرەرلەر الدىنداعى مىندەتتەمە» باستاماسى بويىنشا ساقتاندىرىلعان، – دەلىنگەن حابارلامادا.
كەيىن پوليتسيا اتالعان دەرەككە قاتىستى تەرگەۋ ءجۇرىپ جاتقانىن مالىمدەدى.
”ادىرنا” ۇلتتىق پورتالى
