ورالدا "باتىس سۋ ارناسى" جشس-ءنىڭ ەكى جۇمىسشىسى كارىز سورعى ستانساسىن جوندەۋ كەزىندە قازا تاپتى، دەپ حابارلايدى “ادىرنا” ۇلتتىق پورتالى.
"موي گورود" پورتالىنىڭ مالىمەتىنشە، قايعىلى وقيعا 24 تامىزدا كۇندىز ورالداعى كارىز سورعى ستانساسىندا بولعان.
"باتىس سۋ ارناسى" جشس باس ديرەكتورى ءانۋار اركەنوۆتىڭ ايتۋىنشا، 1971 جانە 1982 جىلعى ەكى جۇمىسشى قۇرىلعى بولشەكتەرىن اۋىستىرۋ جۇمىستارىن جۇرگىزگەن.
“الدىن الا مالىمەت بويىنشا، قۇرىلعى قاقپاعى جۇلىنىپ كەتىپ، ستانساعا كارىز سۋى تولىپ قالعان. سونىڭ سالدارىنان جۇمىسشىلار سىرتقا شىعىپ ۇلگەرمەي، سۋعا باتىپ كەتكەن", - دەلىنگەن حابارلامادا.
كومپانيا زارداپ شەككەندەردىڭ وتباسىنا قاجەتتى بارلىق كومەكتى كورسەتۋگە ۋادە بەرىپ وتىر. قازا تاپقان جۇمىسشىلاردىڭ ءبىرىنىڭ ارتىندا ءۇش كىشكەنتاي بالاسى قالعان.
وقيعا ورنىندا پوليتسيا جۇمىس ىستەپ جاتىر.
”ادىرنا” ۇلتتىق پورتالى
