Oralda "Batys sý arnasy" JShS-niń eki jumysshysy káriz sorǵy stansasyn jóndeý kezinde qaza tapty, dep habarlaıdy “Adyrna” ulttyq portaly.
"Moı gorod" portalynyń málimetinshe, qaıǵyly oqıǵa 24 tamyzda kúndiz Oraldaǵy káriz sorǵy stansasynda bolǵan.
"Batys sý arnasy" JShS bas dırektory Ánýar Árkenovtyń aıtýynsha, 1971 jáne 1982 jylǵy eki jumysshy qurylǵy bólshekterin aýystyrý jumystaryn júrgizgen.
“Aldyn ala málimet boıynsha, qurylǵy qaqpaǵy julynyp ketip, stansaǵa káriz sýy tolyp qalǵan. Sonyń saldarynan jumysshylar syrtqa shyǵyp úlgermeı, sýǵa batyp ketken", - delingen habarlamada.
Kompanııa zardap shekkenderdiń otbasyna qajetti barlyq kómekti kórsetýge ýáde berip otyr. Qaza tapqan jumysshylardyń biriniń artynda úsh kishkentaı balasy qalǵan.
Oqıǵa ornynda polıııa jumys istep jatyr.
”Adyrna” ulttyq portaly
