بۇگىن ماڭعىستاۋ وبلىسىنىڭ اكىمى نۇرلان نوعاەۆ اقتاۋ قالالىق ءماسليحاتىنىڭ دەپۋتاتتارىنا نۇرداۋلەت قيلىبايدىڭ ورنىنا جاڭا قالا اكىمىنىڭ كانديداتۋراسىن ۇسىندى، دەپ حابارلايدى “ادىرنا” ۇلتتىق پورتالى.
ول - بۇرىن اقتاۋ قالاسى اكىمىنىڭ ورىنباسارى قىزمەتىن اتقارعان ەربول ىزبەرگەنوۆ.
ەربول ىزبەرگەنوۆ الماتى قۇرىلىس جانە مەنەدجمەنت كوللەدجىن، اقتاۋ مەملەكەتتىك ۋنيۆەرسيتەتىن جانە رەسەي فەدەراتسياسى پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن («عيماراتتار مەن قۇرىلىستاردى سالۋ جانە پايدالانۋ»، «ونەركاسىپتىك جانە ازاماتتىق قۇرىلىس» جانە «اكىمشىلىك ءىس شەبەرى») بىتىرگەن.
ەڭبەك جولىن 1991 جىلى اقتاۋدا «ماڭعىستاۋ مۇناي-گاز بارلاۋ» مەكەمەسىندە تاس قالاۋشى بولىپ باستاعان.
1994-1996 جىلدارى «قالامقاسستروي» جقب تاس قالاۋشى بولىپ جۇمىس ىستەدى.
1997 جىلى «كاسپي كووپەرسەرۆيس» جشس شەبەرى بولىپ جۇمىس ىستەدى.
1997-2000 جىلدارى «البينا» پاتەر يەلەرى كووپەراتيۆىنىڭ شەبەرى، ۋچاسكە باستىعى، باس ينجەنەرى بولىپ جۇمىس ىستەدى.
2000-2003 جىلدارى West Kazakhstan Construction Company جشس تەحنيكالىق ديرەكتورى بولىپ جۇمىس ىستەدى.
2003-2004 جىلدارى – «Kuat كورپوراتسياسى» اكتسيونەرلىك قوعامىنىڭ اقتاۋ فيليالىنىڭ شەبەرى;
2004 جىلى - اقتاۋ قالاسى اكىمى اپپاراتىنىڭ ساۋلەت جانە قالا قۇرىلىسى ءبولىمىنىڭ باس مامانى;
2004-2005 جىلدارى ماڭعىستاۋ اۋىلى اكىمىنىڭ ورىنباسارى قىزمەتىن اتقاردى.
2005-2007 جىلدارى - قىزىلتوبە اۋىلدىق وكرۋگىنىڭ اكىمى.
2007-2011 جىلدارى ماڭعىستاۋ وبلىسى مۇنايلى اۋدانى اكىمىنىڭ ورىنباسارى قىزمەتىن اتقاردى.
2012 جىلى دەنساۋلىق ساقتاۋ مينيسترلىگىنىڭ باس ساراپشىسى بولىپ جۇمىس ىستەدى.
2012-2013 جىلدارى - ماڭعىستاۋ وبلىسىنىڭ قۇرىلىس باسقارماسىنىڭ باسشىسى.
2014-2015 جىلدارى يندۋستريا جانە جاڭا تەحنولوگيالار مينيسترلىگىنىڭ قترم ىشكى اكىمشىلەندىرۋ باسقارماسىنىڭ باسشىسى بولدى.
2015 جىلى - دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينۆەستيتسيالىق جوبالار باسقارماسىنىڭ باسشىسى.
2019 جىلدان 2020 جىلعا دەيىن «اقتاۋ تەڭىز پورتى» ارنايى ەكونوميكالىق ايماعى» اق باسقارما توراعاسىنىڭ ورىنباسارى.
2020 جىلى اقتاۋ قالاسىنداعى «اتامەكەن» رەسپۋبليكالىق كاسىپكەرلەر پالاتاسىنىڭ ديرەكتورى، «اقتاۋ تەڭىز پورتى» اەا اق باسقارما توراعاسىنىڭ كەڭەسشىسى.
2020 جىلدىڭ تامىز ايىنان بۇگىنگى كۇنگە دەيىن - اقتاۋ قالاسى اكىمىنىڭ ورىنباسارى.
