قازاقستانداعى نيدەرلاندى كورولدىگىنىڭ توتەنشە جانە وكىلەتتى ەلشىسى اندرە كارستەنسپەن كەزدەسۋ بارىسىندا ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى نىعايتۋ، سونداي-اق يننوۆاتسيالار مەن جاڭا تەحنولوگيالار سالاسىنداعى ارىپتەستىك ماسەلەلەرى تالقىلاندى، دەپ حابارلايدى "ادىرنا" ءتىلشىسى
وتكەن جىلدار ىشىندە نيدەرلاندى كورولدىگى قازاقستاننىڭ ەو ەلدەرى اراسىنداعى جەتەكشى ارىپتەستەرىنىڭ جانە قازاقستان ەكونوميكاسىنا تىكەلەي ينۆەستيتسيالار كولەمى بويىنشا نەگىزگى ينۆەستورىنىڭ بىرىنە (2005 جىلدان باستاپ 103 ميلليارد دوللار) اينالدى. قالا اكىمى ەربولات دوساەۆ اتاپ وتكەندەي، الماتى مەن نيدەرلاندى كورولدىگى اراسىنداعى تاۋار اينالىمى 2022 جىلدىڭ ءبىرىنشى جارتىجىلدىعىنىڭ قورىتىندىسى وتكەن جىلدىڭ وسى ۇقساس كەزەڭىمەن سالىستىرعاندا 17%-عا ءوسىپ، 56 ملن دوللاردى قۇرادى. قالادا گوللانديالىق كاپيتالدىڭ قاتىسۋىمەن 285 كومپانيا جۇمىس ىستەيدى، ال بۇكىل ەل بويىنشا ولاردىڭ سانى 702.
سونداي-اق، تاراپتار الماتى قالاسىن دامىتۋدىڭ 2025 جىلعا دەيىنگى باعدارلاماسىنىڭ 7 باعىتى بويىنشا ىنتىماقتاستىق مۇمكىندىكتەرىن جانە 2030 جىلعا دەيىنگى ورتا مەرزىمدى پەرسپەكتيۆالاردى تالقىلادى. ەربولات دوساەۆ اتاپ وتكەندەي، قازاقستاندىق تاراپ نيدەرلاندىنىڭ قوعامدىق كولىكتى باسقارۋ، ەكولوگيا، قالدىقتارمەن جۇمىس ىستەۋ سالاسىنداعى تاجىريبەسىن زەردەلەۋگە مۇددەلى. كورولدىك - ەۋروپاداعى ەكولوگيالىق ەڭ تازا مەملەكەتتەردىڭ ءبىرى. يەل ۋنيۆەرسيتەتىنىڭ 2022 جىلعى ەكولوگيالىق كورسەتكىشتەر يندەكسىنە (KPI) سايكەس نيدەرلاندى 11-ورىندا.
كەزدەسۋ بارىسىندا وسى ايدا قازاقستان مەن نيدەرلاندى اراسىنداعى ديپلوماتيالىق قاتىناستاردىڭ ورناعانىنا 30 جىل تولعانى (1992 جىلعى 10 قىركۇيەك) اتاپ ءوتىلدى. وسىناۋ ايتۋلى كۇنگە وراي 2 قازاندا الماتىدا Orange Benelux Bicycle Tour جالپىقالالىق ۆەلوجارىسى وتەدى، وعان 1 مىڭنان استام ادام قاتىسادى. ۆەلوشەرۋدىڭ جالپى قاشىقتىعى 15 كم قۇرايدى.
كەزدەسۋگە قاتىسۋشىلار بۇدان بىلايعى ءوزارا ءتيىمدى ىنتىماقتاستىقتىڭ ەلەۋلى الەۋەتى مەن پەرسپەكتيۆالىق باعىتتارىن اتاپ ءوتتى.
