Qazaqstandaǧy Niderlandy Koroldıgınıŋ Tötenşe jäne ökılettı elşısı Andre Karstenspen kezdesu barysynda sauda-ekonomikalyq jäne mädeni-gumanitarlyq yntymaqtastyqty nyǧaitu, sondai-aq innovasiialar men jaŋa tehnologiialar salasyndaǧy ärıptestık mäselelerı talqylandy, dep habarlaidy "Adyrna" tılşısı
Ötken jyldar ışınde Niderlandy Koroldıgı Qazaqstannyŋ EO elderı arasyndaǧy jetekşı ärıptesterınıŋ jäne Qazaqstan ekonomikasyna tıkelei investisiialar kölemı boiynşa negızgı investorynyŋ bırıne (2005 jyldan bastap 103 milliard dollar) ainaldy. Qala äkımı Erbolat Dosaev atap ötkendei, Almaty men Niderlandy Koroldıgı arasyndaǧy tauar ainalymy 2022 jyldyŋ bırınşı jartyjyldyǧynyŋ qorytyndysy ötken jyldyŋ osy ūqsas kezeŋımen salystyrǧanda 17%-ǧa ösıp, 56 mln dollardy qūrady. Qalada gollandiialyq kapitaldyŋ qatysuymen 285 kompaniia jūmys ısteidı, al bükıl el boiynşa olardyŋ sany 702.
Sondai-aq, Taraptar Almaty qalasyn damytudyŋ 2025 jylǧa deiıngı baǧdarlamasynyŋ 7 baǧyty boiynşa yntymaqtastyq mümkındıkterın jäne 2030 jylǧa deiıngı orta merzımdı perspektivalardy talqylady. Erbolat Dosaev atap ötkendei, qazaqstandyq tarap Niderlandynyŋ qoǧamdyq kölıktı basqaru, ekologiia, qaldyqtarmen jūmys ısteu salasyndaǧy täjıribesın zerdeleuge müddelı. Koroldık - Europadaǧy ekologiialyq eŋ taza memleketterdıŋ bırı. Iel universitetınıŋ 2022 jylǧy ekologiialyq körsetkışter indeksıne (KPI) säikes Niderlandy 11-orynda.
Kezdesu barysynda osy aida Qazaqstan men Niderlandy arasyndaǧy diplomatiialyq qatynastardyŋ ornaǧanyna 30 jyl tolǧany (1992 jylǧy 10 qyrküiek) atap ötıldı. Osynau aituly künge orai 2 qazanda Almatyda Orange Benelux Bicycle Tour jalpyqalalyq velojarysy ötedı, oǧan 1 myŋnan astam adam qatysady. Veloşerudıŋ jalpy qaşyqtyǧy 15 km qūraidy.
Kezdesuge qatysuşylar būdan bylaiǧy özara tiımdı yntymaqtastyqtyŋ eleulı äleuetı men perspektivalyq baǧyttaryn atap öttı.
Ūqsas jaŋalyqtar
