شىمكەنتتە ۇيلەنۋ تويىنا قوناقتار كالاشنيكوۆ اۆتوماتىن اكەلگەن. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى تويدا ەكى اۆتومات قارۋىن تاركىلەدى. بۇل تۋرالى قازاقستان رەسپۋبليكاسى ءىىم-گى جاريالادى، دەپ حابارلايدى “ادىرنا” ۇلتتىق پورتالى.
جەدەل قىزمەتكەرلەر ۇيلەنۋ تويلاردىڭ بىرىندە قالىڭدىقتى شىعارىپ سالۋ راسىمىنەن كەيىنگى وتشاشۋ كەزىندە اتىس قارۋى قولدانىلاتىنى تۋرالى اقپارات الدى.
Aقپارات راستالدى. ساعات 00:00-دە ۇيلەردىڭ ءبىرىنىڭ جانىندا اۋاعا وق اتۋ كەزىندە پوليتسەيلەر قالانىڭ 2 تۇرعىنىن اۆتومات قارۋىمەن ۇستادى. ولاردان نومىرلەرى جويىلعان اكسۋ-47 جاۋىنگەرلىك اۆتوماتى جانە اك-74 اۆتوماتى تاركىلەندى. وقيعا بولعان جەردى تەكسەرۋ بارىسىندا كريميناليستەر جيىرماعا جۋىق اتىلعان وق گيلزاسىن تاپتى.
قارۋدى زاڭسىز ساقتاعانى ءۇشىن سوتالدى تەرگەۋ باستالدى. ءتيىس ساراپتامالار تاعايىندالدى، قاجەت تەرگەۋ ارەكەتتەرى جۇرگىزىلىپ جاتىر.
