اتىراۋدا تاربيەشى اۋتيست بالاعا دورەكى ارەكەت كورسەتكەن. بۇل تۋرالى بالانىڭ اناسى تۇزەتۋ ورتالىعىندا ورناتىلعان قاۋىپسىزدىك كامەرالارىنان الىنعان بەينەنى ءوزىنىڭ Instagram پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
بالانىڭ اناسى پوليتسياعا جۇگىندى.
"مەنىڭ ويىمشا، ءدال قازىر ءاربىر انا بالالار ورتالىعىنان العان بەينەجازبانى كورگەننەن بەرى قانداي ازاپ شەگىپ جاتقانىمدى تۇسىنەدى. بۇل بالانى وتباسىمىز كوپ كۇتتى. وكىنىشكە وراي، ۇلىم "زپر اۋتيزم سپەكترى" دياگنوزىمەن دۇنيەگە كەلدى. كۇيەۋىم ەكەۋمىز ۇلىمى قۇرداستارىنىڭ جانىندا ءوزىن سەنىمدى سەزىنۋى ءۇشىن قولدان كەلگەننىڭ ءبارىن جاسايمىز. ءۇش جىل بويى كۇن سايىن ۇلىم ءۇشىن ءبارىن جاساپ كەلەمىن جانە جاسايمىن دا! ءبىز – قاراپايىم جاس وتباسىمىز، اقشا جينايمىز، ءبىزدىڭ بالامىز دا وزگە ءۇش جاسار بالالار سياقتى اناسىمەن سويلەسىپ، 8 ناۋرىزدا تاقپاق ايتىپ بەرۋى ءۇشىن ۇلىمىزدى ارنايى ورتالىقتا وقىتۋعا قارجى بولەمىز.
2,5 جاسقا تولعان ۇلىمىزدى "جاس ۇرپاق" ەرەكشە بالالارعا ارنالعان تۇزەتۋ ورتالىعىنا جىبەرۋدى ۇيعاردىق. بىز ورتالىقتى مۇقيات، قالاداعى ەڭ جاقسىسىن تاڭدادىق دەپ ويلادىق. الايدا، بەينەباقىلاۋ كامەرالارىن كورگەننەن كەيىن قاتەلەسكەنىمىزدى تۇسىندىك. بۇل قاتەلىك، وكىنىشكە قاراي، مەنىڭ ۇلىما اۋىر ءتيدى. بالا ونسىز دا سويلەسپەيدى، وتە سەزىمتال، وسال، مۇعالىمنىڭ ونى سۇيرەپ، ۇرعانىن كورگەن سايىن جۇرەگىم قىسىلىپ، ەزىلەدى. بىراق مەن ءوزىمدى جيناپ، قولىمنان كەلگەننىڭ ءبارىن جاساۋىم كەرەك! ارىز بەردىك، بىراق ءۇمىت از. سوندىقتان، وسىنداي ارەكەتتىڭ قۇربانى ءبىر ەمەس، بىرنەشە ەرەكشە بالالار بولعاندىقتان، رەزونانس كوتەرىپ، رەپوست جاساپ، كوپشىلىككە جىبەرۋلەرىڭىزدى سۇرايمىن!”،- دەپ جازدى اناسى.
سونداي-اق، ول كىنالى جازاسىز قالادى دەپ قورقاتىنىن دا جاسىرمادى.
“ۆيدەو بەينەباقىلاۋ كامەرالارىنا كەزدەيسوق تۇسىرىلگەن، سول كۇننەن باستاپ ءۇش كۇننەن بەرى نە تاماق ىشپەدىم، نە ۇيىقتامادىم. بالاما قول كوتەرگەن ادام جازاسىز قالۋى مۇمكىن دەگەن ويمەن-اق تويىپ قالامىن. ۆيدەودا ازامات ر. - نىڭ ۇلىما جانە باسقا دا ەرەكشە بالالارعا زورلىق-زومبىلىق پەن دورەكى قارىم-قاتىناس جاساعانىن كورەسىز. ول مۇنداي جاعدايلاردا كوگەرۋ عانا جالعىز دالەلى ەكەنىن تۇسىنەدى (ويتكەنى بالالار سويلەسپەيدى جانە شاعىمدانا المايدى). سوندىقتان ساۋساقتارىن ادەيى بۇرايدى، ادەتتە ولار كوگەرمەيدى. ياعني، ول مۇنى سانالى تۇردە جانە ءجيى جاساعان. بۇل جەردە ارتىق ءسوز ايتىپ قاجەت ەمەس دەپ ويلايمىن", - دەپ جازدى ايەل.
