Atyrauda tärbieşı autist balaǧa dörekı äreket körsetken. Būl turaly balanyŋ anasy tüzetu ortalyǧynda ornatylǧan qauıpsızdık kameralarynan alynǧan beinenı özınıŋ Instagram paraqşasynda jariialady, dep habarlaidy “Adyrna” ūlttyq portaly.
Balanyŋ anasy polisiiaǧa jügındı.
Sondai-aq, ol kınälı jazasyz qalady dep qorqatynyn da jasyrmady."Menıŋ oiymşa, däl qazır ärbır ana balalar ortalyǧynan alǧan beinejazbany körgennen berı qandai azap şegıp jatqanymdy tüsınedı. Būl balany otbasymyz köp küttı. Ökınışke orai, ūlym "ZPR autizm spektrı" diagnozymen düniege keldı. Küieuım ekeumız ūlymy qūrdastarynyŋ janynda özın senımdı sezınuı üşın qoldan kelgennıŋ bärın jasaimyz. Üş jyl boiy kün saiyn ūlym üşın bärın jasap kelemın jäne jasaimyn da! Bız – qarapaiym jas otbasymyz, aqşa jinaimyz, bızdıŋ balamyz da özge üş jasar balalar siiaqty anasymen söilesıp, 8 nauryzda taqpaq aityp beruı üşın ūlymyzdy arnaiy ortalyqta oqytuǧa qarjy bölemız.
2,5 jasqa tolǧan ūlymyzdy "Jas ūrpaq" erekşe balalarǧa arnalǧan tüzetu ortalyǧyna jıberudı ūiǧardyq. Bız ortalyqty mūqiiat, qaladaǧy eŋ jaqsysyn taŋdadyq dep oiladyq. Alaida, beinebaqylau kameralaryn körgennen keiın qateleskenımızdı tüsındık. Būl qatelık, ökınışke qarai, menıŋ ūlyma auyr tidı. Bala onsyz da söilespeidı, öte sezımtal, osal, mūǧalımnıŋ ony süirep, ūrǧanyn körgen saiyn jüregım qysylyp, ezıledı. Bıraq men özımdı jinap, qolymnan kelgennıŋ bärın jasauym kerek! Aryz berdık, bıraq ümıt az. Sondyqtan, osyndai ärekettıŋ qūrbany bır emes, bırneşe erekşe balalar bolǧandyqtan, rezonans köterıp, repost jasap, köpşılıkke jıberulerıŋızdı sūraimyn!”,- dep jazdy anasy.
“Video beinebaqylau kameralaryna kezdeisoq tüsırılgen, sol künnen bastap üş künnen berı ne tamaq ışpedım, ne ūiyqtamadym. Balama qol kötergen adam jazasyz qaluy mümkın degen oimen-aq toiyp qalamyn. Videoda azamat R. - nyŋ ūlyma jäne basqa da erekşe balalarǧa zorlyq-zombylyq pen dörekı qarym-qatynas jasaǧanyn köresız. Ol mūndai jaǧdailarda kögeru ǧana jalǧyz dälelı ekenın tüsınedı (öitkenı balalar söilespeidı jäne şaǧymdana almaidy). Sondyqtan sausaqtaryn ädeiı būraidy, ädette olar kögermeidı. Iаǧni, ol mūny sanaly türde jäne jiı jasaǧan. Būl jerde artyq söz aityp qajet emes dep oilaimyn", - dep jazdy äiel.
