Osydan 28 jyl būryn tuǧan anasy qoqysqa tastap ketken er azamat, jurnalist Gülmira Äbıqaiǧa biologiialyq anasyn tabuǧa kömek sūrap hat joldapty, dep habarlaidy “Adyrna” ūlttyq portaly.
Hat joldauyna sebep bolǧan oqiǧa - bır kün būryn Atyrau oblysy İnder audanynda 30 jastaǧy kelınşek balasyn äjethanaǧa tastap ketken edı. Närestenıŋ densaulyǧy jaqsy, aman-sau.
1993 jylǧy azamat osy jaŋalyqty esti salysymen, Gülmira Äbıqaiǧa “tuǧan anamdy tapqym keledı” dep hat joldaǧan.
“Köp adam osyndai tualetke tastaǧan, musorǧa laqtyrǧan balalardyŋ ömırı ary qarai ne bolady dep oilaityn şyǧar?! Sonyŋ bırı Men özımmın…
28 jyl būryn, Oral qalasynda menı tuǧan anam musorǧa laqtyryp ketıptı. Köp ūzamai sol jerden ötıp bara jatqan jaqsy adamdar qyŋsylaǧan dausymdy estıp tauyp alyp auylǧa äkeptı. Ol kezde polisiiaǧa aitu, qūjat räsımdeu joq bolsa kerek menı 13 jyl bala kötermegen körşılerınıŋ etegıne salypty. Sol kısılerdı anam-äkem dep östım.
Täubä, eş närseden taryqpadym, adam boldym, oqydym, östım. Asyrap alǧan ata-anam ömırden öttı. Sol kezde baiaǧyda menı tauyp alǧan körşılerım aqiqatty aityp, qolyma birka tabystady: İsmagulova Roza
01.05.1993, malchik
dep jazylypty.
Qazır özım üilendım, 3 balam bar, äskeri ofisermın. Degenmen, tuǧan anaǧa degen saǧynyş, ony tabu , bır köru armanym!
Ony Sız oryndaitynyŋyzǧa senemın. Anama eş ökpem joq, tırı bolsa körgım keledı, Balalarym tegın bılse deimın, bar armanym tuǧan Anamdy bır köru”,- degen hat iesı.
Jazba astyna jariialanǧan pıkır sanynda şek joq. Köbı “sol kezde tastap ketken adam qazır senı qabyldamaidy, tynyş ömırıŋdı qūrtpa” dep jazǧan.
Esterıŋızge sala ketsek, Atyrau oblysy polisiia departamentınıŋ baspasöz qyzmetınıŋ mälımetı boiynşa, bala tuyp, ony köşe därethanasynda qaldyrǧan äieldıŋ jeke basy anyqtaldy.
"3 qazan künı İnder audanynda balasyn därethanaǧa tastap ketken küdıktı anyqtaldy. Bala därıgerlerdıŋ baqylauyna alyndy. Qazır sotqa deiıngı tergeu jürıp jatyr. Basqa aqparat QR Qylmystyq-prosestık kodeksınıŋ 201-babyna säikes jariialauǧa jatpaidy", - dep habarlady departamenttıŋ baspasöz qyzmetı ökılderı.
“Adyrna” ūlttyq portaly
