جوشى حاننىڭ تاققا وتىرۋىنىڭ 800 جىلدىعى مەملەكەتتىك دەڭگەيدە تويلانۋى ءتيىس! - قازىبەك يسا

24185
Adyrna.kz Telegram
فوتو: Facebook
فوتو: Facebook

2023 جىلى جوشى حاننىڭ ۇلىتاۋدا تاققا وتىرعانىنا 800 جىل تولادى. قازاق مەملەكەتى تاريحىنداعى ەلدىك ماڭىزى ەرەكشە زور بۇل مەرەيتوي مەملەكەتتىك دەڭگەيدە تويلانۋى  ءتيىس! بۇل پىكىردى اقىن قازىبەك يسا فەيسبۋك پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.

قازىبەك يسا ءوز پاراقشاسىنا قر پرەزيدەنتى ق. توقاەۆ باسقارعان قر ۇلتتىق كەڭەسىنىڭ 2019 جىلعى 06 قىركۇيەكتەگى ءبىرىنشى وتىرىسىنداعى بايانداماسىنان ءۇزىندى جاريالادى.

“التىن وردانىڭ اتاسى جوشى حاننىڭ تۇلعاسىن اسقاقتاتۋ –تۇگەل تۇركىگە ورتاق يگىلىكتى ءىس. الىپ يمپەريانىڭ العاشقى استاناسى سارايشىق تا، التىن وردانىڭ تىزگىنىن بالاسى باتۋ حانعا تاپسىرعان اكەسى ۇلى حان جوشى دا قازاق جەرىندە جاتىر… جوشى – شىڭعىس حاننىڭ بايبىشەسى، قازاق قىزى قوڭىرات بورتەدەن تۋعان تۇڭعىش ۇلى.

1.جوشى حاننىڭ ۇلىتاۋدا ۇلىق ۇلىستىڭ تاعىنا وتىرعانىنا 2023 جىلى 800 جىل تولادى. قازاق مەملەكەتى تاريحىنداعى ەلدىك ماڭىزى ەرەكشە زور بۇل مەرەيتوي مەملەكەتتىك دەڭگەيدە تويلانۋى  ءتيىس! مىنە، قازاقستان  پرەزيدەنتى ايتقانداي،  جوشى حانعا الەم نازارىن ناعىز اۋدارار كەزەڭ باستالدى دەۋگە بولادى. 

2.وسىنداي الەم تاريحىنداعى سالماعى وراسان ساڭلاق تۇلعالار مەن ماڭىزى زور قالالار وزگە ءبىر ەلدىڭ ەنشىسىندە بولسا نە بولار ەدى... ارىگە بارماي-اق، كىشكەنتاي موڭعوليانىڭ ءوزى جوشى حاننىڭ اكەسى، الەمدى بيلەگەن شىڭعىس حان ارقىلى دۇنيە جۇزىنە ءدۇبىرىن تانىتىپ جاتىر... مۇمكىن ءبىز دە شىڭعىس حاننىڭ الىپ ەسكەرتكىشىندەي جوشى حانعا دا ودان كەم ەمەس كەمەل ەسكەرتكىش كەشەنىن تۇرعىزارمىز. ول كەشەندە شىڭعىس حاننىڭ دا، باتۋ حاننىڭ دا، بورتەنىڭ دە ەسكەرتكىشى تۇرسا، ءتىپتى كەرەمەت بولار ەدى. ال ۇلىتاۋدا مازارى جاتقان جوشى حاننىڭ ەسكەرتكىشىن قازاقستان پرەزيدەنتى قاسىم-جومارت توقاەۆ تۇرعىزىپ جاتسا، ۇلت رۋحى ءدۇر سىلكىنەر ءدۇبىرلى دۇنيە بولار ەدى...  جوشى حاننىڭ كيەلى كەسەنەسى مەن كەلەشەك كەرەمەت كەشەنى الەم ساياحاتشىلارىن  تارتىپ تۇرار تاريحي دا، تارتىمدى دا، تاماشا ورىنعا اينالار ەدى...

ويتكەنى، ۇلىتاۋدا جوشى حاندى ۇلىقتاۋ التىن وردانى اسقاقتاتۋعا باستايدى.

3.مەملەكەت باسشىسىنىڭ التىن وردانىڭ 750 جىلدىعىن مەرەكەلەۋ تۋرالى ەلدىك ماڭىزى ەرەكشە باعالى باستاماسىنا ۇلت زيالىلارى نە دەيدى؟ قازاق تاريحىندا، اڭىزى مەن كۇيلەرىندە ورنى بار التىن وردا  مەن جوشى حان تۇلعاسى كينومىزدا قالاي كورىنىس تاپپاق؟ ادەبيەتىمىز بەن مادەنيەتىمىزدە، عىلىم مەن بەينەلەۋ ونەرىندە قالاي بەينەلەنبەك؟ رۋحىمىزدى كوتەرەر الىپ يمپەريا التىن وردامىزدىڭ تاريحىن كۇندەلىكتى ءنار بەرەر  رۋحاني اينالىمعا قالاي قوسامىز؟  ءيا، مەكتەپ پەن جوعارى وقۋ ورىندارى وقۋلىقتارىندا  بۇل  باعالى دا، باياندى تاقىرىپقا  باستى  نازار اۋدارۋ  كەرەك. 

  1. قازاق تاريحىن ناقتى دا، شىنايى دەرەكتەر نەگىزىندە قايتا جازاتىن ۋاقىت كەلدى.”،- دەدى اقىن.

 

پىكىرلەر